കുടുംബശ്രീകൾക്ക് കെഎസ്എഫ്ഇയുടെ മൈക്രോചിട്ടി; മൂന്നാമത്തെ അടവിൽ ലാപ്ടോപ് നൽകുമെന്നും ധനമന്ത്രി

സ്കൂൾ കുട്ടികൾക്ക് ഉപയോ​ഗിക്കാൻ കഴിയുന്ന ലാപ്ടോപാണ് കുടുംബശ്രീ വഴി ലഭ്യമാക്കുക. കുടുംബശ്രീകൾക്ക് വായ്പയായി ഇതുവരെ 1333 കോടി രൂപ നൽകിയെന്നും മന്ത്രി പറഞ്ഞു.

തിരുവനന്തപുരം: വിദ്യാർത്ഥികൾക്കായി ഓൺലൈൻ പഠനകേന്ദ്രം സ്ഥാപിക്കാൻ കെഎസ്എഫ്ഇ സഹായം നൽകുമെന്ന് ധനമന്ത്രി തോമസ് ഐസക് പറഞ്ഞു. ടെലിവിഷൻ വാങ്ങിനൽകാൻ തദ്ദേശസ്ഥാപനങ്ങൾക്കും സഹായം നൽകും. കുടുംബശ്രീ അം​ഗങ്ങൾക്കായി കെഎസ്എഫ്ഇ മൈക്രോചിട്ടി അനുവദിക്കും. ഇതിന്റെ മൂന്നാമത്തെ അടവിൽ ലാപ്ടോപ് നൽകുമെന്നും മന്ത്രി പറഞ്ഞു.

സ്കൂൾ കുട്ടികൾക്ക് ഉപയോ​ഗിക്കാൻ കഴിയുന്ന ലാപ്ടോപാണ് കുടുംബശ്രീ വഴി ലഭ്യമാക്കുക. കുടുംബശ്രീകൾക്ക് വായ്പയായി ഇതുവരെ 1333 കോടി രൂപ നൽകിയെന്നും മന്ത്രി പറഞ്ഞു.

ഇന്ധനവില കൂടുമ്പോൾ സംസ്ഥാനത്തിന് കിട്ടുന്ന അധികവരുമാനം വേണ്ടെന്ന് വയ്ക്കാനാകില്ല. വില വർധന എണ്ണക്കമ്പനികളെ സഹായിക്കാനാണെന്നും തോമസ് ഐസക് അഭിപ്രായപ്പെട്ടു.