മന്ത്രി വി ശിവൻകുട്ടി രാജിവയ്ക്കണമെന്നാവശ്യപ്പെട്ട് കെ എസ് യു മാർച്ച്

ഇതിനിടെ കെ എസ് യു സംസ്ഥാന പ്രസിഡണ്ട് കെ എം അഭിജിത് പൊലീസ് വാഹനത്തിനു മുകളിൽ കയറി ‌മുദ്രാവാക്യം വിളിക്കുകയും പ്രതിഷേധിക്കുകയും ചെയ്തു. ഇതോടെ അഭിജിത്തിനെ പൊലീസ് കസ്റ്റഡിയിലെടുത്തു

തിരുവനന്തപുരം: നിയമസഭ കയ്യാങ്കളിക്കേസിൽ വിചാരണ നേരിടേണ്ടി വരുന്ന മന്ത്രി വി ശിവൻകുട്ടി രാജിവയ്ക്കണമെന്നാവശ്യപ്പെട്ട് കെ എസ് യു മാർച്ച്. നിയമസഭയിലേക്ക് നടത്തിയ മാർച്ച് പൊലീസ് തടഞ്ഞു. ബാരിക്കേഡ് മറിച്ചിടാനുള്ള പ്രവർത്തകരുടെ ശ്രമത്തിനിടെ പൊലീസ് ജല പീരങ്കി പ്രയോ​ഗിച്ചു. 

തുടർന്ന് പ്രവർത്തകർ റോഡ് ഉപരോധിച്ചു. ​ഗ​താ​ഗത തടസം സൃഷ്ടിച്ച പ്രവർത്തകരെ പൊലീസ് അറസ്റ്റ് ചെയ്ത് നീക്കി. ഇതിനിടെ കെ എസ് യു സംസ്ഥാന പ്രസിഡണ്ട് കെ എം അഭിജിത് പൊലീസ് വാഹനത്തിനു മുകളിൽ കയറി ‌മുദ്രാവാക്യം വിളിക്കുകയും പ്രതിഷേധിക്കുകയും ചെയ്തു. ഇതോടെ അഭിജിത്തിനെ പൊലീസ് കസ്റ്റഡിയിലെടുത്തു