സിത്താരക്കും വേടനും പിന്നാലെ ആര്യയും, 'ഇനിയും ഒന്നായ് നാം വളരും…' ; എൽഡിഎഫിന്റെ പുതിയ ഇലക്ഷൻ പ്രചരണ ഗാനം പുറത്ത്

നിപ, കോവിഡ്, പ്രളയം പോലുള്ള പ്രതിസന്ധിഘട്ടങ്ങളിൽ ഓരോ മലയാളിക്കൊപ്പവും കരുത്തോടെ കൂടെ നിന്ന ഇടതുപക്ഷത്തിന്റെ സമാനതകളില്ലാത്ത ഇടപെടലുകൾ ഒരിക്കൽക്കൂടി നമ്മുടെ ഓർമകളിലേക്കെത്തുന്നു.

തിരുവനന്തപുരം: എൽഡിഎഫിന്റെ പുതിയ തെരഞ്ഞെടുപ്പ് പ്രചാരണ ​ഗാനം പുറത്ത്. ​ഗായിക ആര്യദയാൽ പാടിയ ​ഗാനമാണ് പുറത്തിറങ്ങിയത്. കഴിഞ്ഞ 10 വർഷത്തെ എൽഡിഎഫ് ഭരണ കാലത്തെ നേട്ടങ്ങളും, സമസ്ത മേഖലകളിലും കേരളം കൈവരിച്ച മുന്നേറ്റങ്ങളും ഉയർത്തിക്കാട്ടുന്നതാണ് ഗാനത്തിലെ വരികൾ. ആര്യയാണ് ​ഗാനത്തിന്റെ രചനയും നിർവഹിച്ചത്. എൽഡിഎഫ് യാഥാർഥ്യമാക്കിയ മതനിരപേക്ഷ കേരളത്തിന്റെ നേർചിത്രവും വർഗീയ കലാപങ്ങളില്ലാത്ത 10 വർഷവും മലയാളിയെ ഓർമപ്പെടുത്തുന്നതാണ് ​ഗാനം.

നിപ, കോവിഡ്, പ്രളയം പോലുള്ള പ്രതിസന്ധിഘട്ടങ്ങളിൽ ഓരോ മലയാളിക്കൊപ്പവും കരുത്തോടെ കൂടെ നിന്ന ഇടതുപക്ഷത്തിന്റെ സമാനതകളില്ലാത്ത ഇടപെടലുകൾ ഒരിക്കൽക്കൂടി നമ്മുടെ ഓർമകളിലേക്കെത്തുന്നു. ലോകത്തിന് മാതൃകയായ ഇടതുപക്ഷത്തിന്റെ ഭരണ മികവ് തുടരുക തന്നെ ചെയ്യുമെന്നും ഇനിയും ഒന്നായി നാം വളരുമെന്നും ഉറപ്പിച്ചുകൊണ്ടാണ് ഗാനം അവസാനിക്കുന്നത്.