രഹസ്യ വിവരത്തെ തുടർന്നായിരുന്നു പെരിങ്ങമല മുള്ളൻകുന്ന് പാറയിൽ എക്സൈസ് സംഘം പരിശോധന നടത്തിയത്. കണ്ടെത്തിയ കോട, കേസെടുത്ത ശേഷം സ്ഥലത്ത് തന്നെ ഒഴുക്കി കളഞ്ഞു. പ്രതികൾക്കായി അന്വേഷണം തുടങ്ങിയെന്ന് എക്സൈസ് അറിയിച്ചു.
തിരുവനന്തപുരം: പെരിങ്ങമലയിൽ നാലായിരം ലിറ്റർ കോടയും വാറ്റ് ഉപകരണങ്ങളും എക്സൈസ് പിടികൂടി. പ്ലാസ്റ്റിക്ക് കവറിലാക്കി കോട കുഴികളിൽ സൂക്ഷിച്ച നിലയിലാണ് കണ്ടെത്തിയത്. ലോക്‍ഡൗണിൽ മദ്യശാലകൾ അടഞ്ഞുകിടക്കുന്ന സാഹചര്യം മുതലാക്കി വൻതോതിൽ വാറ്റ് ചാരായം ഉണ്ടാക്കാനുള്ള ശ്രമമായിരുന്നെന്ന് വാമനപുരം എക്സൈസ് ഇൻസ്പെക്ടർ വ്യക്തമാക്കി. രഹസ്യ വിവരത്തെ തുടർന്നായിരുന്നു പെരിങ്ങമല മുള്ളൻകുന്ന് പാറയിൽ എക്സൈസ് സംഘം പരിശോധന നടത്തിയത്. കണ്ടെത്തിയ കോട, കേസെടുത്ത ശേഷം സ്ഥലത്ത് തന്നെ ഒഴുക്കി കളഞ്ഞു. പ്രതികൾക്കായി അന്വേഷണം തുടങ്ങിയെന്ന് എക്സൈസ് അറിയിച്ചു.