സംസ്ഥാനത്ത് ഇന്ന് സമ്പൂർണ്ണ ലോക്ഡൗൺ ഇല്ല, ബാറുകളും പ്രവര്‍ത്തിക്കും

വിവിധ എൻട്രൻസ് പരീക്ഷകൾ നടക്കുന്നതിനാലാണ് ഇളവ്. ബാറുകളും ബെവ്കോ ഔട്ട്ലറ്റുകളും ഇന്ന് പ്രവർത്തിക്കും. 

തിരുവനന്തപുരം: സംസ്ഥാനത്ത് ഇന്ന് സമ്പൂർണ്ണ ലോക്ഡൗൺ ഇല്ല. വിവിധ എൻട്രൻസ് പരീക്ഷകൾ നടക്കുന്നതിനാലാണ് ലോക്ഡൗണിൽ ഇളവ് പ്രഖ്യാപിച്ചത്. കഴിഞ്ഞ ആഴ്ചയും ആരാധനാലയത്തിൽ പോകുന്നവർക്കും പരീക്ഷകൾക്ക് പോകുന്നവർക്കുമായി സമ്പൂർണ്ണ ലോക്ഡൗണിൽ ഇളവുകൾ നൽകിയിരുന്നു. 

അതേ സമയം സംസ്ഥാനത്തെ എല്ലാ മദ്യശാലകളും ഇന്ന് തുറന്ന് പ്രവര്‍ത്തിക്കും.ലോക്‍ഡൗണില്‍ ഇളവ് പ്രഖ്യാപിച്ച സാഹചര്യത്തിലാണിത്. ബവ്കോ, കണ്‍സ്യൂമര്‍ ഫെഡ് ഔട് ലെറ്റുകളും ബാറുകളും ബെവ്കോ ആപ്പ് ബുക്കിംഗ് അനുസരിച്ച് മദ്യ വില്‍പ്പന നടത്തും. കള്ള് ഷാപ്പുകളും പ്രവര്‍ത്തിക്കും. സമ്പൂർണ്ണ ലോക്‌ഡൗൺ ആയ ഞായറാഴ്ചകളിൽ ഇതുവരെ മദ്യവിപണന കേന്ദ്രങ്ങൾ പ്രവർത്തിച്ചിരുന്നില്ല.