'കുഴിയാനയെ അരിക്കൊമ്പനാക്കരുത്'മുഖ്യമന്ത്രിക്കെതിരായ കേസ് മാറ്റണമെന്ന അപേക്ഷ നിരസിക്കുന്നില്ലെന്ന് ലോകായുക്ത

കേസിലെ പരാതിക്കാരനായ ആർഎസ് ശശികുമാറിന്‍റെ  ഹർജി പരിഗണിച്ചാണ് നടപടി.കേസ് മൂന്നംഗ ബെഞ്ചിന് വിട്ട ലോകായുക്ത നടപടിക്കെതിരായ ഹർജി ഹൈക്കോടതി മറ്റന്നാൾ പരിഗണിക്കുന്ന സാഹചര്യത്തിലായിരുന്നു ഇന്നത്തെ ഹർജി

തിരുവനന്തപുരം:മുഖ്യമന്ത്രിയുടെ ദുരിതാശ്വാസ ഫണ്ട് വകമാറ്റിയ കേസിൽ ലോകായുക്ത മൂന്നംഗ ബെഞ്ച് വാദം കേൾക്കുന്നത് ജൂലൈ 10 ലേക്ക് മാറ്റി . കേസിലെ പരാതിക്കാരനായ ആർഎസ് ശശികുമാറിൻറെ ഹർജി പരിഗണിച്ചാണ് നടപടി.  കേസ് മൂന്നംഗ ബെഞ്ചിന് വിട്ട ലോകായുക്ത നടപടിക്കെതിരായ ഹർജി ഹൈക്കോടതി മറ്റന്നാൾ പരിഗണിക്കുന്ന സാഹചര്യത്തിലായിരുന്നു ഇന്നത്തെ ഹർജി. കേസ് നീട്ടിവയ്ക്കുന്നത് സർക്കാർ അഭിഭാഷക എതിർത്തു .  അപേക്ഷ നിരസിക്കുക വഴി കുഴിയാനയെ അരിക്കൊമ്പനാക്കാൻ ശ്രമിക്കരുതെന്നായിരുന്നു ലോകയുക്ത ജസ്റ്റിസ് സിറിയക് ജോസഫിന്റെ പരാമർശം