ദിവസേന നിരവധി വീടുകളിലെത്തുന്നു, സുരക്ഷാമാര്ഗങ്ങളില്ല; ആശങ്കയൊഴിയാതെ പാചകവാതക വിതരണക്കാര്
Synopsis
കൊവിഡ് ഭീതി ലോകമാകെ വ്യാപിക്കുമ്പോള് സുരക്ഷാസംവിധാനങ്ങളില്ലാതെ ദിവസേന നിരവധി വീടുകള് സന്ദര്ശിച്ച് പാചക വാതക വിതരണക്കാര്.
തിരുവനന്തപുരം: കൊവിഡ് ഭീതി ലോകമാകെ വ്യാപിക്കുമ്പോള് യാതൊരു സുരക്ഷാ സംവിധാനവും ഇല്ലാതെ, ദിവസവും നിരവധി വീടുകൾ കയറിയിറങ്ങുകയാണ് പാചകവാതക വിതരണക്കാർ. ജനങ്ങളുമായി നിരന്തരം സമ്പര്ക്കത്തിലുള്ള ഇവര് കൊവിഡ് വ്യാപനത്തിന്റെ ആശങ്കയിലാണ്. തങ്ങളുടെ സുരക്ഷയ്ക്ക് അടിയന്തരമായി നടപടികള് സ്വീകരിക്കണമെന്നാണ് ഇവരുടെ ആവശ്യം.
20 വർഷമായി ഗ്യാസ് വിതരണ മേഖലയിൽ ജോലി ചെയ്യുകയാണെന്നും ഒരു ദിവസം അറുപതോളം വീടുകളിൽ സിലിണ്ടറുമായി എത്തുന്ന തങ്ങള് ആശങ്കയിലാണെന്നുമാണ് പാചക വാതക വിതരണ തൊഴിലാളികളില് ഒരാളായ ഋഷി പറയുന്നത്.
ഒരു സുരക്ഷാ സംവിധാനവുമില്ലാതെ നിരവധി വീടുകളിലാണ് ഇവര് സിലിണ്ടറുകൾ കൈമാറുന്നത്. പണവും രേഖകളും കൈകാര്യം ചെയ്യുന്നതും ഈ കൈകൾ കൊണ്ട് തന്നെയാണ്. ഈ വീടുകളില് ആര്ക്കെങ്കിലും രോഗബാധയുണ്ടോ എന്ന കാര്യം പോലും ഉറപ്പില്ലാതെ ജാഗ്രത പുലര്ത്തേണ്ട ഈ സമയത്തും തിരക്കിട്ട ജോലിയിലാണ് പാചക വാതക വിതരണക്കാര്.
കൊവിഡ് -19, പുതിയ വാര്ത്തകളും സമ്പൂര്ണ്ണ വിവരങ്ങളും അറിയാന് ഇവിടെ ക്ലിക്ക് ചെയ്യുക
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam