മാസപ്പടി ഹവാല കേസിൽ ദുബൈയിൽ നിന്ന് വിവരം ശേഖരിക്കാൻ ഇഡി, ഹവാല വഴി പണം അയച്ച അക്കൗണ്ടുകളുടെ വിവരം തേടും

മുൻ മുഖ്യമന്ത്രി പിണറായി വിജയനും മുഹമ്മദ് റിയാസും ഉൾപ്പെട്ട സിഎംആര്‍എൽ-എക്സാലോജിക് മാസപ്പടി കേസിൽ ദുബൈയിൽ നിന്ന് വിവരങ്ങൾ ശേഖരിക്കാൻ ഇഡി ഒരുങ്ങുന്നു.

തിരുവനന്തപുരം : മുൻ മുഖ്യമന്ത്രി പിണറായി വിജയനും മുൻ മന്ത്രി മുഹമ്മദ് റിയാസും പ്രതിയായ സിഎംആര്‍എൽ-എക്സാലോജിക് മാസപ്പടി ഹവാല കേസിൽ ദുബൈയിൽ നിന്ന് വിവരം ശേഖരിക്കാൻ ഇഡി നീക്കം തുടങ്ങി. ഒരു രാജ്യത്ത് നിന്നും മറ്റൊരു രാജ്യത്തേക്ക് തെളിവ് ശേഖരിക്കാനാവശ്യപ്പെട്ട് നൽകുന്ന ഡോക്യൂമെന്റായ ലെറ്റേഴ്സ് റോഗേറ്ററി കൈമാറും. ദുബൈയിലെ ബന്ധപ്പെട്ട ഏജൻസികളോട് വിവരം തേടും. ഹവാല വഴി പണം അയച്ച അക്കൗണ്ടുകളുടെ വിവരം തേടും. 2024 ജൂലൈ മുതൽ 2025 ജൂലൈ വരെ റിയാസ് സുഹൃത്തുക്കൾക്കൊപ്പം ചേർന്ന് ഹവാല ഇടപാടുകൾ നടത്തിയെന്നാണ് ഇഡി ആരോപണം. ടി. വീണയിൽ നിന്ന് പിടിച്ചെടുത്ത രേഖകളിൽ കള്ളപ്പണം വെളുപ്പിച്ചതിന്റെ തെളിവുകൾ ലഭിച്ചതായി ഇഡി അവകാശപ്പെടുന്നു.