നടിയെ ആക്രമിച്ച കേസ്: ഡിജിറ്റൽ തെളിവ് സൂക്ഷിക്കുന്നതിൽ സർക്കുലർ വേണം; ഉപഹർജിയുമായി സർക്കാർ ഹൈക്കോടതിയിൽ
Synopsis
സെഷന്സ്, മജിസ്ട്രേറ്റ് കോടതികള്ക്ക് സര്ക്കുലര് ബാധകമാക്കണമെന്നും സര്ക്കുലര് പുറപ്പെടുവിക്കാന് ഹൈക്കോടതി രജിസ്ട്രിക്ക് നിര്ദ്ദേശം നല്കണമെന്നും ഉപഹർജിയിലുണ്ട്.
കൊച്ചി: കൊച്ചിയിൽ നടി ആക്രമിക്കപ്പെട്ട സംഭവത്തിലെ മെമ്മറി കാർഡ് പരിശോധിച്ച സംഭവത്തില് ഉപഹർജിയുമായി സംസ്ഥാന സർക്കാർ ഹൈക്കോടതിയിൽ. ഡിജിറ്റല് തെളിവ് സൂക്ഷിക്കുന്നതില് സര്ക്കുലര് വേണമെന്ന് സര്ക്കാര് ഹൈക്കോടതിയിൽ സമർപ്പിച്ച ഉപഹർജിയിൽ ആവശ്യപ്പെടുന്നു. മെമ്മറി കാര്ഡ് കേസില് ഹൈക്കോടതി മാര്ഗ്ഗ നിര്ദ്ദേശങ്ങള് നല്കിയിട്ടുണ്ട്. ഈ മാര്ഗ്ഗ നിര്ദ്ദേശങ്ങള് സര്ക്കുലര് ആയി കീഴ്ക്കോടതികള്ക്ക് നല്കണം. സെഷന്സ്, മജിസ്ട്രേറ്റ് കോടതികള്ക്ക് സര്ക്കുലര് ബാധകമാക്കണമെന്നും സര്ക്കുലര് പുറപ്പെടുവിക്കാന് ഹൈക്കോടതി രജിസ്ട്രിക്ക് നിര്ദ്ദേശം നല്കണമെന്നും ഉപഹർജിയിലുണ്ട്.