മദ്യനയ ഉപസമിതി തീരുമാനമായിട്ടില്ലെന്ന് മന്ത്രി സണ്ണി ജോസഫ്; 'യുഡിഎഫ് യോഗം ചേരാത്തതിനെ കുറിച്ച് ചെയർമാനോടും കൺവീനറോടും ചോദിക്കണം'

Published : Nov 19, 2026, 10:12 AM IST
Sunny joseph

Synopsis

മദ്യനയ ഉപസമിതി തീരുമാനമായിട്ടില്ലെന്ന് മന്ത്രി സണ്ണി ജോസഫ്. മന്ത്രിസഭയിലെ ചില കാര്യങ്ങളിൽ ചർച്ചയുണ്ടായി. ചർച്ചകൾ പൂർത്തിയാകാത്തവയുമുണ്ട്

തിരുവനന്തപുരം: മദ്യനയ ഉപസമിതി തീരുമാനമായിട്ടില്ലെന്ന് മന്ത്രി സണ്ണി ജോസഫ്. മന്ത്രിസഭയിലെ ചില കാര്യങ്ങളിൽ ചർച്ചയുണ്ടായി. ചർച്ചകൾ പൂർത്തിയാകാത്തവയുമുണ്ട്. പലതിലും തീരുമാനത്തിലെത്തി. ഏകപക്ഷീയമായി തീരുമാനത്തിലെത്തില്ല. കഴിയുന്നത്ര ആലോചിച്ച് തീരുമാനത്തിലെത്തുക എന്നാണ് എൻ്റെ അഭിപ്രായമെന്നും ബോർഡ് കോർപ്പറേഷൻ വിഭജനത്തിൽ സ്വൽപം താമസം വന്നിട്ടുണ്ടെന്നും സണ്ണി ജോസഫ് പറഞ്ഞു.

യുഡിഎഫ് യോഗം ചേരാത്തതിനെ കുറിച്ച് ചെയർമാനോടും കൺവീനറോടും ചോദിക്കണം. അനിൽകുമാറിനെതിരായ സൈബർ ആക്രമണത്തെക്കുറിച്ച് അറിയില്ലെന്നും സണ്ണി ജോസഫ് പറഞ്ഞു. അതേസമയം, കൂടിയാലോചനകളില്ലാതെ മുഖ്യമന്ത്രി വിഡി സതീശൻ ഒറ്റയ്ക്ക് തീരുമാനമെടുക്കുന്നതിൽ ശക്തമായ നിലപാടുമായി കോൺഗ്രസിലെ ഗ്രൂപ്പുകൾ രം​ഗത്തെത്തുകയാണ്. കോൺഗ്രസ്സിൽ ഇനി കൂടിയാലോചന ഇല്ലാതെ തീരുമാനങ്ങൾ എടുക്കാൻ പറ്റില്ല എന്ന നിലപാട് കടുപ്പിക്കുകയാണ് വിവിധ ഗ്രൂപ്പുകൾ. മുഖ്യമന്ത്രിയുടെ തീരുമാനങ്ങൾക്കെതിരെ ശക്തമായ നിലപാടുമായി മുന്നോട്ട് പോകാൻ കെസി വേണുഗോപാൽ പക്ഷം തീരുമാനിച്ചിട്ടുണ്ട്. ബോർഡ് നിയമനങ്ങളിലും പി.എസ്.സിയിലും ദേവസ്വത്തിലും പരിഗണന കിട്ടാത്തതിൽ എ ഗ്രൂപ്പിനും വലിയ പരാതിയുണ്ട്.

തർക്കത്തിനൊടുവിൽ കെസി പക്ഷം ആവശ്യങ്ങൾ നേടിയെടുക്കുന്നതിൽ ഉമ്മൻ ചാണ്ടിക്കൊപ്പം നിലയുറപ്പിച്ച വിഭാഗത്തിന് വലിയ അമർഷമുണ്ട്. ബോർഡ് കോർപ്പറേഷൻ ചർച്ചയിൽ പ്രാധിനിത്യമില്ല, കൂടാതെ പിഎസ്‍സി, ദേവസ്വം ബോർഡിലും പരിഗണനയില്ല എന്നതിൽ ഇവരും കടുത്ത അതൃപ്തിയിലാണ്. ഘടക കക്ഷികളും മുഖ്യമന്ത്രിയുടെ പല തീരുമാനങ്ങളിലും അതൃപ്തിയിലാണ്. കെപിസിസി പ്രസിഡണ്ട്‌ എന്ന നിലയിൽ ശക്തമായി ഇടപെടാൻ ആണ് സണ്ണി ജോസഫും ഒരുങ്ങുന്നത്. കെപിസിസി അധ്യക്ഷൻ ദുർബലനാണെന്ന് വിമർശനം ഉയരുന്നതിനിടെ ഞാൻ അധ്യക്ഷനാണെങ്കിൽ എല്ലാം താൻ അറിയണം എന്ന് സണ്ണി ജോസഫ് മന്ത്രിസഭാ യോഗത്തിൽ തറപ്പിച്ച് പറഞ്ഞതും ശ്രദ്ധേയമാണ്.

മുഖ്യമന്ത്രി ഒറ്റയ്ക്ക് തീരുമാനങ്ങളെടുത്ത് അത് അടിച്ചേൽപ്പിക്കുന്നുവെന്ന് ഇന്നലെ ചേർന്ന മന്ത്രി സഭാ യോഗത്തിൽ ഉയർന്ന വിമർശനം ശക്തമായ സന്ദേശമാണെന്ന് വിഡി സതീശൻ വിരുദ്ധ ചേരികൾ പറയുന്നു. എഴുതി തന്നാൽ ഇനി ഒപ്പിടില്ലെന്നും പല കാര്യങ്ങളിലും ചർച്ച അനിവാര്യമാണെന്നും വിഡി വിരുദ്ധ വിഭാഗം കടുത്ത നിലപാട് സ്വീകരിച്ചിരിക്കുകയാണ്. ചർച്ചയില്ലാതെ ഒരു തീരുമാനവും അനുവദിക്കില്ലെന്നാണ് ഉറച്ച തീരുമാനം.

PREV

കേരളത്തിലെ എല്ലാ വാർത്തകൾ Kerala News അറിയാൻ  എപ്പോഴും ഏഷ്യാനെറ്റ് ന്യൂസ് വാർത്തകൾ.  Malayalam News   തത്സമയ അപ്‌ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam

Read more Articles on
click me!

Recommended Stories

പിഎം ശ്രീ: ഒപ്പിടേണ്ടിവന്ന സാഹചര്യം ബോധിപ്പിച്ചതാണ്, അബദ്ധം സംഭവിച്ചുവെന്ന് പറയുന്നത് ശരിയല്ലെന്ന് വി ശിവൻകുട്ടി
കൂടിയാലോചന ഇല്ലാതെ ഇനി പറ്റില്ലെന്ന് കെസി പക്ഷം, പരിഗണിച്ചില്ലെന്ന് എ ഗ്രൂപ്പ്, ഉടക്കി സണ്ണി ജോസഫും; മുഖ്യമന്ത്രിക്കെതിരെ കോൺഗ്രസ് ഗ്രൂപ്പുകൾ