മക്കൾക്ക് ഐസ്ക്രീമിൽ വിഷം നൽകി ആത്മഹത്യക്ക് ശ്രമിച്ച അമ്മ മരിച്ചു

കഴിഞ്ഞ 27 നാണ് യുവതി രണ്ട് പെൺമക്കൾക്ക് എലിവിഷം ഐസ്ക്രീമിൽ ചേർത്ത് നൽകി ആത്മഹത്യക്ക് ശ്രമിച്ചത്. ഇളയ മകൾ  ഞായറാഴ്ച മരിച്ചിരുന്നു.

കണ്ണൂർ: കണ്ണൂർ പയ്യാവൂരിൽ മകൾക്ക് പിന്നാലെ വിഷം ഉള്ളിൽ ചെന്ന് ചികിത്സയിലായിരുന്ന അമ്മയും മരിച്ചു. കോഴിക്കോട്ടെ സ്വകാര്യ ആശുപത്രിയിലായിരുന്നു മരണം.  ഓഗസ്റ്റ് 27 നാണ് സ്വപ്ന ഐസ്ക്രീമിൽ എലിവിഷം ചേ‍ർത്ത് രണ്ട് മക്കൾക്കും നൽകി ആത്മഹത്യക്ക് ശ്രമിച്ചത്. മൂന്ന് ദിവസത്തതിന് മുമ്പാണ് രണ്ടരവയുള്ള  ഇളയ മകൾ അൻസീല മരിച്ചത്.

വിഷം കഴിച്ചതിനിടെ തുടര്‍ന്ന് ഗുരുതര അവസ്ഥയിൽ ചികിത്സയിലായിരുന്നു സ്വപ്ന. പയ്യാവൂരിൽ തുണിക്കട നടത്തുകയായിരുന്ന സ്വപ്നക്ക് സാമ്പത്തിക ബാധ്യത ഉണ്ടായിരുന്നു. ഇവരുടെ ഭർത്താവ് വിദേശത്താണ്. ബാങ്ക് വായ്പ എടുത്തും, പലിശക്ക് പണം കടം വാങ്ങിയും ഇവർ വീടും സ്ഥലവും വാങ്ങിയിരുന്നു. ഇതാകാം ആത്മഹത്യയിലേക്ക് നയിച്ചതെന്നാണ് പൊലീസിന്‍റെ നിഗമനം. അന്വേഷണം ലോക്കൽ പൊലീസിൽ നിന്ന് ക്രൈംബ്രാഞ്ച് ഏറ്റെടുത്തു.