റിയൽ എസ്റ്റേറ്റ് സ്ഥാപനത്തിൽ നിക്ഷേപിച്ചാൽ 25 ശതമാനം ലാഭ വിഹിതം നൽകാമെന്ന് വാ​ഗ്ദാനം, തട്ടിപ്പ് നടത്തിയ 5 പേ‍‍‍‌‌‌ർ പിടിയിൽ

ദില്ലിയിലുള്ള റിയൽ എസ്റ്റേറ്റ് സ്ഥാപനത്തിന്റെ പേരിൽ തട്ടിപ്പ് നടത്തിയ അഞ്ച് പേരെ നെടുമ്പാശ്ശേരിയിൽ പൊലീസ് പിടികൂടി

കൊച്ചി: ദില്ലിയിലുള്ള റിയൽ എസ്റ്റേറ്റ് സ്ഥാപനത്തിന്റെ പേരിൽ തട്ടിപ്പ് നടത്തിയ അഞ്ച് പേരെ നെടുമ്പാശ്ശേരിയിൽ പൊലീസ് പിടികൂടി. യു പി സ്വദേശികളായ ജയഗ്രൂപ്പ് സിംഗ്, സുഖദേവ് സിംഗ്, കാർത്തികേയ ഗുപ്ത, ദൽഹി സ്വദേശികളായ പ്രമോദ് കുമാർ, മൊബീൻ ഖാൻ എന്നിവരാണ് അറസ്റ്റിലായത്. പെരുമ്പാവൂർ വെങ്ങോല സ്വദേശി അമൽ റാസിക്കാണ് കബളിപ്പിക്കപ്പെട്ടത്. ദില്ലിയിലെ പ്രമോദ് ട്രേഡേഴ്സ് എന്ന റിയൽ എസ്റ്റേറ്റ് സ്ഥാപനത്തിൽ നിക്ഷേപിച്ചാൽ 25 ശതമാനം ലാഭ വിഹിതം നൽകാമെന്ന് പറഞ്ഞായിരുന്നു തട്ടിപ്പ്.