നെടുങ്കണ്ടം കസ്റ്റഡി കൊലപാതകം: എസ് പി വേണുഗോപാൽ കൈക്കൂലി വാങ്ങിയിട്ടുണ്ടെന്ന് കോൺഗ്രസ്

അഴിമതിക്കാരനായ പൊലീസ് ഉദ്യോഗസ്ഥനെ വീടിനടുത്തേക്ക് സ്ഥലം മാറ്റി സര്‍ക്കാര്‍ സംരക്ഷിക്കുകയാണെന്ന് ഇബ്രാഹിം കുട്ടി കല്ലാര്‍.

ഇടുക്കി: നെടുങ്കണ്ടം കസ്റ്റഡി കൊലപാതകം കേസിൽ എസ് പി വേണുഗോപാൽ കൈക്കൂലി വാങ്ങിയെന്ന് തെളിഞ്ഞെന്ന ആരോപണവുമായി കോൺഗ്രസ്. എസ് പി വേണുഗോപാൽ കൈക്കൂലി വാങ്ങിയെന്ന് വ്യക്തമാണെന്ന്  ഡിസിസി പ്രസിഡന്‍റ്  ഇബ്രാഹിംകുട്ടി കല്ലാര്‍ ആരോപിച്ചു. പണം വാങ്ങിയിട്ടുണ്ട്. പക്ഷെ അത് എത്രയാണെന്നാണ് ഇനി അറിയേണ്ടത് . അഴിമതിക്കാരനായ പൊലീസ് ഉദ്യോഗസ്ഥനെ വീടിനടുത്തേക്ക് സ്ഥലം മാറ്റി സര്‍ക്കാര്‍ സംരക്ഷിക്കുകയാണെന്നും ഇബ്രാഹിം കുട്ടി കല്ലാര്‍ ആരോപിച്ചു. 

സ്ഥലംമാറ്റ നടപടിക്ക് പകരം എസ്പിയെ സസ്പെന്‍റ് ചെയ്ത് അന്വേഷണം നടത്തിയില്ലെങ്കിൽ കോൺഗ്രസ് പ്രതിഷേധം ശക്തമാക്കുമെന്നും ഇബ്രാഹിംകുട്ടി കല്ലാര്‍ പറഞ്ഞു.