മതങ്ങളുടെ പരസ്പര ബന്ധം നിലനിർത്തണം, നിർബന്ധിത മതപരിവർത്തനം പാടില്ല; ഓർത്തഡോക്സ് സഭയുടെ പുതിയ പരമാധ്യക്ഷൻ
Synopsis
സഭാതർക്ക വിഷയങ്ങളിൽ നിലവിലെ നിലപാട് തുടരുമെന്നും മലങ്കര സഭയുടെ ഭരണഘടന അംഗീകരിക്കാതെ ഐക്യം സാധ്യമല്ലെന്നും മാർ സേവേറിയോസ് ഏഷ്യാനെറ്റ് ന്യൂസിനോട് പറഞ്ഞു.
പത്തനംതിട്ട: ഒരു മതവും നിർബന്ധിത പരിവർത്തനം പ്രോത്സാഹിപ്പിക്കരുതെന്ന് ഓർത്തഡോക്സ് സഭയുടെ പുതിയ പരാമാധ്യക്ഷൻ മാത്യൂസ് മാർ സേവേറിയോസ്. മതങ്ങളുടെ പരസ്പര ബന്ധം നിലനിർത്തണം. സഭാതർക്ക വിഷയങ്ങളിൽ നിലവിലെ നിലപാട് തുടരുമെന്നും മലങ്കര സഭയുടെ ഭരണഘടന അംഗീകരിക്കാതെ ഐക്യം സാധ്യമല്ലെന്നും മാർ സേവേറിയോസ് ഏഷ്യാനെറ്റ് ന്യൂസിനോട് പറഞ്ഞു.
സഭയുടെ നിലപാടുകളിൽ ഉറച്ചു നിൽക്കും. മലങ്കര സഭയുടെ ഭരണഘടന അംഗീകരിക്കാതെ ഐക്യം സാധ്യമല്ല. ഭിന്നിച്ചു നിൽക്കുന്നവർ 1934 ലെ ഭരണഘടന അംഗീകരിക്കണമെന്നും മാത്യൂസ് മാർ സേവേറിയോസ് പ്രതികരിച്ചു.