നിപ: ഈ 6 ജില്ലക്കാർ സമ്പർക്കപ്പട്ടികയിൽ, 54 പേർ ഹൈറിസ്ക് വിഭാഗത്തിൽ, 42 പേരുടെ പരിശോധനാ ഫലം നെഗറ്റീവ്
Synopsis
നിപ ബാധിച്ച് ചികിത്സയിലുള്ള രോഗി ഗുരുതരാവസ്ഥയില് തുടരുന്നു.
മലപ്പുറം: ജില്ലയില് നിപ ബാധിച്ച രോഗിയുടെ സമ്പര്ക്കപ്പട്ടികയില് ഉള്പ്പെട്ട 11 പേരുടെ പരിശോധനാ ഫലം കൂടി നെഗറ്റീവായതായി ആരോഗ്യ വകുപ്പ് മന്ത്രി വീണാ ജോര്ജ്. ഇതോടെ 42 പേരുടെ പരിശോധനാ ഫലം നെഗറ്റീവായി. ഇന്ന് 18 പേരെയാണ് സമ്പര്ക്കപ്പട്ടികയില് ഉള്പ്പെടുത്തിയത്. ഇതോടെ ആകെ 112 പേരാണ് സമ്പര്ക്കപ്പട്ടികയിലുള്ളത്. 54 പേര് ഹൈ റിസ്കിലും 58 പേര് ലോ റിസ്കിലുമാണുള്ളത്. മലപ്പുറം- 81, പാലക്കാട്- 25, കോഴിക്കോട്- 3, എറണാകുളം, ഇടുക്കി, തിരുവനന്തപുരം ഒന്ന് വീതം പേര് എന്നിങ്ങനെയാണ് സമ്പര്ക്കപ്പട്ടികയിലുള്ളത്. നിലവില് ഒരാള്ക്കാണ് നിപ സ്ഥിരീകരിച്ചിട്ടുള്ളത്. 10 പേര് ചികിത്സയിലുണ്ട്. 2 പേര് ഐസിയുവില് ചികിത്സയിലുണ്ട്.
മന്ത്രിയുടെ നേതൃത്വത്തില് ഓണ്ലൈനായി നിപ അവലോകന യോഗം ചേര്ന്നു. നിപ ബാധിച്ച് ചികിത്സയിലുള്ള രോഗി ഗുരുതരാവസ്ഥയില് തുടരുന്നു. ഹൈറിസ്ക് പട്ടികയിലുള്ള 10 പേര്ക്ക് പ്രൊഫൈലാക്സിസ് ചികിത്സ നല്കി വരുന്നു. ഫീവര് സര്വൈലന്സിന്റെ ഭാഗമായി ഇന്ന് 2087 വീടുകള് പരിശീലനം സിദ്ധിച്ച ആരോഗ്യ പ്രവര്ത്തകര് സന്ദര്ശിച്ചു. ഇതുവരെ ആകെ 3868 വീടുകളാണ് സന്ദര്ശിച്ചത്. 87 ശതമാനം ഹൗസ് വിസിറ്റ് പൂര്ത്തിയാക്കി. വിവിധ വകുപ്പുകളുടെ ഏകോപനത്തോടെയുള്ള ജോയിന്റ് ഔട്ട് ബ്രേക്ക് ഇന്വെസ്റ്റിഗേഷനില് മൃഗങ്ങള് ചത്തത് പ്രത്യേകമായി പരിശോധിക്കാന് നിര്ദേശം നല്കി.
ഏഷ്യാനെറ്റ് ന്യൂസ് ലൈവ് യൂട്യൂബിൽ കാണാം...
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam