തേങ്കുറിശ്ശി ദുരഭിമാനക്കൊല: ഒരാൾ കൂടി കോടതിയില്‍ മൊഴിമാറ്റി

2020 ഡിസംബർ 25നാണ് തേങ്കുറുശ്ശി  ഇലമന്ദം സ്വദേശി അനീഷ് കൊല്ലപ്പെട്ടത്. 

പാലക്കാട്: തേങ്കുറിശ്ശി ദുരഭിമാനക്കൊലക്കേസിൽ ഒരാൾ കൂടി കൂറുമാറി. പ്രതികളിലൊരാളായ സുരേഷ് കുമാറിൻ്റെ ഭാര്യ വസന്തകുമാരിയാണ് കോടതിയിൽ മൊഴിമാറ്റിയത്. നേരത്തെയും കേസിൽ പ്രതികളുടെ ബന്ധുക്കളായ ചില സാക്ഷികൾ മൊഴി തിരുത്തിയിരുന്നു. സാക്ഷിപ്പട്ടികയിൽ 63 മുതൽ 71 വരെയുള്ളവരുടെ വിസ്താരമായിരുന്നു ഇന്നുണ്ടായത്. 

അടുത്ത വിചാരണ ഈ മാസം 21ന് നടക്കും. 2020 ഡിസംബർ 25നാണ് തേങ്കുറുശ്ശി  ഇലമന്ദം സ്വദേശി അനീഷ് കൊല്ലപ്പെട്ടത്. അനീഷും ഹരിതയും പ്രണയിച്ചാണ് വിവാഹിതരായത്. ഹരിതയുടെ വീട്ടുകാർ കല്യാണത്തിന് എതിരായിരുന്നു.  ഇതേതുടർന്നുണ്ടായ  വൈരാഗ്യമാണ് കൊലയ്ക്ക് കാരണം. കേസിൽ ആകെ 110 സാക്ഷികളാണ് ഉള്ളത്.