ഓപ്പറേഷൻ തൂഫാൻ: കേരളത്തിന് പിന്തുണ പ്രഖ്യാപിച്ച് കർണാടക; അതിർത്തിയിൽ പരിശോധന കടുപ്പിക്കുമെന്ന് ഡി കെ ശിവകുമാർ

ലഹരിക്കെതിരെ കേരള- കർണാടക പൊലീസുകൾ യോജിച്ച് പ്രവർത്തിക്കുമെന്നും ഓപ്പറേഷൻ തൂഫാൻ ഇതര സംസ്ഥാനങ്ങൾക്ക് മാതൃക എന്നും ഡികെ ശിവകുമാർ പറഞ്ഞു.

ദില്ലി: ഓപ്പറേഷൻ തൂഫാനിൽ കേരളത്തിന്റെ നടപടികൾക്ക് പൂർണ പിന്തുണ പ്രഖ്യാപിച്ച് കർണാടക. അതിർത്തിയിൽ കർണാടക പരിശോധന കടുപ്പിക്കുമെന്ന് കർണാടക അറിയിച്ചു. കൂടുതൽ പൊലീസിനെ വിന്യസിക്കാമെന്നും ഡി.കെ. ശിവകുമാർ ഉറപ്പ് നൽകി. ആഭ്യന്തരമന്ത്രി രമേശ് ചെന്നിത്തലയ്ക്കാണ് ഡി.കെ. ഉറപ്പു നൽകിയത്. കർണാടക മുഖ്യമന്ത്രിയുമായി കൂടിക്കാഴ്ച നടത്തി ആഭ്യന്തര മന്ത്രി രമേശ് ചെന്നിത്തല കൂടിക്കാഴ്ച നടത്തി. ലഹരിക്കെതിരെ കേരള- കർണാടക പൊലീസുകൾ യോജിച്ച് പ്രവർത്തിക്കുമെന്നും ഓപ്പറേഷൻ തൂഫാൻ ഇതര സംസ്ഥാനങ്ങൾക്ക് മാതൃക എന്നും ഡികെ ശിവകുമാർ പറഞ്ഞു.