'ഏഴ് ദിവസത്തിനകം പ്രസ്താവന പിൻവലിച്ച് പരസ്യമായി മാപ്പ് പറയണം', ഇല്ലെങ്കിൽ നിയമനടപടി; ഇപിക്ക് സതീശൻ്റെ നോട്ടീസ്
Synopsis
ഇ പി ജയരാജന് പരസ്യമായി മാപ്പ് പറഞ്ഞില്ലെങ്കില് സിവില്, ക്രിമിനല് നിയമ നടപടികളുമായി മുന്നോട്ട് പോകുമെന്നാണ് നോട്ടീസില് നല്കിയിരിക്കുന്ന മുന്നറിയിപ്പ്.
തിരുവനന്തപുരം: എല് ഡി എഫ് കണ്വീനര് ഇ പി ജയരാജനെതിരെ പ്രതിപക്ഷ നേതാവ് വി ഡി സതീശന് വക്കീല് നോട്ടീസ് അയച്ചു. ഇ പി തനിക്കെതിരെ അപകീര്ത്തികരവും അവാസ്തവവുമായ പ്രസ്താവന നടത്തിയെന്നാരോപിച്ചാണ് വി ഡി സതീശൻ വക്കീൽ നോട്ടീസ് അയച്ചിരിക്കുന്നത്. മാര്ച്ച് 20 ന് തിരുവനന്തപുരത്ത് നടത്തിയ വാര്ത്താ സമ്മേളനത്തില് ഇ പി ജയരാജന് നടത്തിയ അപകീര്ത്തികരമായ പരാമര്ശങ്ങളുടെ അടിസ്ഥാനത്തില് ഹൈക്കോടതി അഭിഭാഷകന് അനൂപ് വി നായര് മുഖേനയാണ് നോട്ടീസ് അയച്ചതെന്ന് സതീശൻ അറിയിച്ചു.
അശ്ലീല വീഡിയോ ഇറക്കാൻ വിദഗ്ധനാണ് വി ഡി സതീശൻ എന്ന പ്രസ്താവനയാണ് നോട്ടീസിന് ആധാരമായത്. അപകീര്ത്തികരവും അവാസ്തവവും വ്യാജവുമായ പ്രസ്താവന ഏഴ് ദിവസത്തിനകം പിന്വലിച്ച് ഇ പി ജയരാജന് പരസ്യമായി മാപ്പ് പറഞ്ഞില്ലെങ്കില് സിവില്, ക്രിമിനല് നിയമ നടപടികളുമായി മുന്നോട്ട് പോകുമെന്നാണ് നോട്ടീസില് നല്കിയിരിക്കുന്ന മുന്നറിയിപ്പ്.
ലോക്സഭാ തെരഞ്ഞെടുപ്പ് മുന്നില് നില്ക്കെ രാജ്യം ചിന്തിക്കുന്നതെന്ത്? സര്വേയില് പങ്കെടുക്കാന് ഇവിടെ ക്ലിക്ക് ചെയ്യാം.
ഏഷ്യാനെറ്റ് ന്യൂസ് വാർത്തകൾ തത്സമയം കാണാം