എന്തൊരു തട്ടിപ്പ്! ഓര്ഡർ ചെയ്തത് മരംമുറിക്കുന്ന യന്ത്രം, കിട്ടിയത് വൈക്കോലില് പൊതിഞ്ഞ സിമന്റ് കട്ടകൾ
Synopsis
യുവാവ് നാഷണല് കണ്സ്യൂമര് ഹെല്പ്പ് ലൈനില് പരാതി നല്കി
കാസര്കോട്: മഞ്ചേശ്വരം സ്വദേശിയായ ഷൗക്കത്തലി ആമസോണ് വഴി ഓര്ഡര് നല്കിയത് മരംമുറിക്കുന്ന യന്ത്രത്തിനാണ്. പക്ഷേ ലഭിച്ചതാകട്ടെ വൈക്കോലില് പൊതിഞ്ഞ സിമന്റ് കട്ടകള്. ഷൗക്കത്തലി നാഷണല് കണ്സ്യൂമര് ഹെല്പ്പ് ലൈനില് പരാതി നല്കി.
ഷൗക്കത്തലിക്ക് മരംമുറിയാണ് ജോലി. മരം മുറിക്കാനുള്ള യന്ത്രങ്ങളും സേഫ്റ്റി ഷൂകളുമൊക്കെ ഇടയ്ക്ക് ഓണ്ലൈന് വഴി വാങ്ങാറുണ്ട്. 9,999 രൂപ വില വരുന്ന മരം മുറിക്കുന്ന യന്ത്രം ആമസോണ് വഴി ഓർഡർ നല്കിയത് കഴിഞ്ഞ മാസം അവസാനമാണ്. പാര്സൽ കൈപ്പറ്റി തുറന്ന് നോക്കിയപ്പോഴാണ് പറ്റിക്കപ്പെട്ടതായി യുവാവിന് മനസിലായത്. യന്ത്രത്തിന് പകരമുള്ളത് വൈക്കോലില് പൊതിഞ്ഞ രണ്ട് സിമന്റ് കട്ടകള്. ഒപ്പം ഒരു ബ്ലെയ്ഡും.
കാഷ് ഓണ് ഡെലിവറിയായിരുന്നുവെന്ന് ഷൌക്കത്തലി പറഞ്ഞു. കസ്റ്റമർ കെയറിൽ വിളിച്ചപ്പോൾ ഡെലിവറി ചെയ്തത് മരംമുറി യന്ത്രമാണെന്നാണ് ആമസോണ് അധികൃതര് പറഞ്ഞത്. ഒന്നും ചെയ്യാൻ പറ്റില്ലെന്നും പറഞ്ഞു. ഇതോടെ നാഷണല് കണ്സ്യൂമര് ഹെല്പ്പ് ലൈനില് പരാതി നല്കിയിരിക്കുകയാണ് ഷൗക്കത്തലി.
ഏഷ്യാനെറ്റ് ന്യൂസ് ലൈവ് യൂട്യൂബിൽ കാണാം
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam