ശബരിമല യുവതി പ്രവേശം ചർച്ചയാക്കിയും കേന്ദ്ര സർക്കാരിന്റെ വികസന നേട്ടങ്ങൾ എണ്ണിയുമാണ് എൻഡിഎ സ്ഥാനാർത്ഥി എൻ ഹരിയുടെ പ്രചാരണം.
കോട്ടയം: പാലാ ഉപതെരഞ്ഞെടുപ്പ് പ്രചാരണ രംഗത്ത് സജീവമാകാനൊരുങ്ങി എൻഡിഎ. എൻഡിഎയുടെ പാലാ നിയോജക മണ്ഡലം കൺവെൻഷൻ ഇന്ന് കേന്ദ്ര മന്ത്രി സദാനന്ദ ഗൗഡ ഉദ്ഘാടനം ചെയ്യും. വൈകിട്ട് നാലിന് പാലാ ടൗൺ ഹാളിലെ ചടങ്ങിൽ സംസ്ഥാനത്തെ പ്രമുഖ നേതാക്കൾ പങ്കെടുക്കും.
പാലാ ഉപതെരഞ്ഞെടുപ്പുമായി ബന്ധപ്പെട്ട് എൻഡിഎയുടെ ബൂത്ത്, പഞ്ചായത്ത് തല കൺവെൻഷനുകൾ പൂർത്തിയായതായി നേതാക്കൾ അറിയിച്ചു. ശബരിമല യുവതി പ്രവേശം ചർച്ചയാക്കിയും കേന്ദ്ര സർക്കാരിന്റെ വികസന നേട്ടങ്ങൾ എണ്ണിയുമാണ് എൻഡിഎ സ്ഥാനാർത്ഥി എൻ ഹരിയുടെ പ്രചാരണം. ഈ മാസം 12 മുതൽ സ്ഥാനാർത്ഥി പര്യടനം തുടങ്ങും. നാല് തവണയെങ്കിലും വോട്ടർമാരെ നേരിൽ കാണാനാണ് ശ്രമം.