ടി പി വധക്കേസ് പ്രതികള്ക്ക് പരോള്; നീക്കം തെരഞ്ഞെടുപ്പ് പെരുമാറ്റച്ചട്ടം പിന്വലിച്ചതിന് പിന്നാലെ
Synopsis
മാര്ച്ചില് ഇവരുടെ പരോള് അപേക്ഷ ജയില് ഉപദേശക സമിതി അംഗീകരിച്ചിരുന്നു. തെരഞ്ഞെടുപ്പ് പെരുമാറ്റച്ചട്ടം ഉള്ളതിനാലാണ് പരോളില് പുറത്തിറങ്ങാന് സാധിക്കാതിരുന്നത്.
കണ്ണൂർ: ടി പി ചന്ദ്രശേഖരന് വധക്കേസിലെ അഞ്ച് പ്രതികള്ക്ക് പരോള്. കൊടി സുനിയും അനൂപും ഒഴികെയുള്ള പ്രതികള്ക്കാണ് പരോള് ലഭിച്ചത്. പ്രതികളായ മനോജ്, രജീഷ്, മുഹമ്മദ് ഷാഫി, സിജിത്ത്, സിനോജ് എന്നിവര്ക്കാണ് കണ്ണൂര് സെന്ട്രല് ജയിലില് നിന്ന് പരോള് അനുവദിച്ചത്.
കഴിഞ്ഞ മാര്ച്ചില് ഇവരുടെ പരോള് അപേക്ഷ ജയില് ഉപദേശക സമിതി അംഗീകരിച്ചിരുന്നു. തെരഞ്ഞെടുപ്പ് പെരുമാറ്റച്ചട്ടം ഉള്ളതിനാലാണ് പരോളില് പുറത്തിറങ്ങാന് സാധിക്കാതിരുന്നത്. പെരുമാറ്റച്ചട്ടം പിന്വലിച്ചതിന് പിന്നാലെയാണ് വെള്ളിയാഴ്ച ഇവര് പുറത്തിറങ്ങിയത്.
സ്വാഭാവിക നടപടി മാത്രമാണെന്നാണ് ജയില് വകുപ്പിന്റെ വിശദീകരണം. പ്രതികള്ക്ക് പരോളിന് അര്ഹതയുണ്ട്. 60 ദിവസത്തെ സാധാരണ പരോളിനും 45 ദിവസത്തെ പ്രത്യേക പരോളിനും ഇവര്ക്ക് അര്ഹതയുണ്ട്. ഇത് അനുസരിച്ചുള്ള അപേക്ഷയിലാണ് ജയില് ഉപദേശക സമിതിയുടെ തീരുമാനമെന്നും ജയില് വകുപ്പ് അറിയിച്ചു.
'ഇതു വരെ ഒരു പരാതിയും ഉന്നയിച്ചിട്ടില്ല'; പ്രചരണങ്ങള് അടിസ്ഥാനരഹിതമെന്ന് തരൂര്
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam