സാങ്കേതിക തകരാര്‍ മൂലം റദ്ദാക്കിയ വിമാനത്തിന് പകരം സംവിധാനമില്ല; പ്രതിഷേധവുമായി യാത്രക്കാര്‍

ഇന്ന് രാവിലെ 3.45നു പുറപ്പെടേണ്ടിയിരുന്ന എയർ അറേബ്യയിലെ യാത്രക്കാർ ആണ് പ്രതിഷേധിക്കുന്നത്. 

കൊച്ചി: സാങ്കേതിക തകരാറിനെ തുടർന്ന് റദ്ദാക്കിയ വിമാനത്തിന് പകരം സംവിധാനം ഒരുക്കാത്തതിനെ തുടര്‍ന്ന് നെടുമ്പാശേരി വിമാനത്താവളത്തിൽ യാത്രക്കാർ പ്രതിഷേധത്തിൽ. ഇന്ന് രാവിലെ 3.45നു പുറപ്പെടേണ്ടിയിരുന്ന എയർ അറേബ്യയിലെ യാത്രക്കാർ ആണ് പ്രതിഷേധിക്കുന്നത്. വൈകിട്ട് 7 മണിക്ക് പകരം വിമാനം ഒരുക്കും എന്ന അറിയിപ്പ് അധികൃതർ പാലിക്കുന്നില്ലെന്ന് യാത്രക്കാർ ആരോപിച്ചു.