രഹസ്യപരാതി വാട്സ്ആപ്പിൽ സ്റ്റാറ്റസായി; അബദ്ധം പറ്റിയത് പൊലീസ് ഉദ്യോഗസ്ഥന്, സംഭവത്തിൽ അന്വേഷണം ആരംഭിച്ചു

സഹപ്രവർത്തകന് എതിരായ പരാതി അബദ്ധത്തിൽ സ്റ്റാറ്റസ് ആക്കി പൊലീസ് ഉദ്യോഗസ്ഥൻ. മൂവാറ്റപുഴ പൊലീസ് സ്റ്റേഷനിലെ ഉദ്യോ​ഗസ്ഥനാണ് അബദ്ധം സംഭവിച്ചത്. എറണാകുളം റൂറൽ എസ് പി അന്വേഷണം ആരംഭിച്ചു.

എറണാകുളം: സഹപ്രവർത്തകന് എതിരായ പരാതി അബദ്ധത്തിൽ സ്റ്റാറ്റസ് ആക്കി പൊലീസ് ഉദ്യോഗസ്ഥൻ. മൂവാറ്റപുഴ പൊലീസ് സ്റ്റേഷനിലെ ഉദ്യോ​ഗസ്ഥനാണ് അബദ്ധം സംഭവിച്ചത്. പേര് വെക്കാതെ തയാറാക്കിയ പരാതിക്കത്ത് സ്റ്റാറ്റസ് ഇടുകയായിരുന്നു. ഓപ്പറേഷൻ തൂഫാൻ പൊളിക്കാൻ ഒരു ഉദ്യോഗസ്ഥൻ ശ്രമിക്കുന്നെന്നായിരുന്നു പരാതി. അബദ്ധം മനസ്സിലായതോടെ പൊലീസ് ഉദ്യോഗസ്ഥൻ ഉടൻ തന്നെ സ്റ്റാറ്റസ് പിൻവലിച്ചു. എന്നാൽ, സഹപ്രവർത്തകരിൽ പലരും ഇത് സ്ക്രീൻ ഷോട്ട് എടുത്തുവെച്ചു. സംഭവത്തിൽ എറണാകുളം റൂറൽ എസ് പി അന്വേഷണം ആരംഭിച്ചു.