കാസർകോട് സ്വദേശികളായ കുടുംബം യെമനിലേക്ക് കടന്നതായി സൂചന: കേസെടുത്ത് പൊലീസ്
Synopsis
ദുബായില് ആയിരുന്ന ഇവര് യമനില് എത്തിയതായാണ് കേന്ദ്ര അന്വേഷണ സംഘത്തിന് ലഭിച്ച സൂചന
കാസർകോട്: കാസർകോട് സ്വദേശികളായ ദമ്പതികളെ വിദേശത്ത് കാണാതായ സംഭവത്തില് ചന്തേര പോലീസ് കേസ് രജിസ്റ്റർ ചെയ്തു. ഉദിനൂർ സ്വദേശി മുഹമ്മദ് ഷബീർ, ഭാര്യ റിസ്വാന ഇവരുടെ നാല് മക്കള് എന്നിവരെ കാണാതായതുമായി ബന്ധപ്പെട്ടാണ് കേസ്. വർഷങ്ങളായി വിദേശത്ത് കഴിയുന്ന ഇവർ നാലു മാസം മുൻപാണ് കുടുംബാംഗങ്ങളുമായി ബന്ധപ്പെട്ടത്. ബന്ധുക്കള് നല്കിയ പരാതിയിലാണ് കേസ് രജിസ്റ്റര് ചെയ്തത്.
ദുബായില് ആയിരുന്ന ഇവര് യമനില് എത്തിയതായാണ് കേന്ദ്ര അന്വേഷണ സംഘത്തിന് ലഭിച്ച സൂചന. പടന്ന സ്വദേശികളായ രണ്ട് പേരും യമനില് എത്തിയതായി സൂചനയുണ്ട്. ഒരാള് സൗദി വഴിയും മറ്റേയാള് ഒമാനില് നിന്നുമാണ് പോയത്. 2016 ല് പടന്ന, തൃക്കരിപ്പൂര് എന്നിവിടങ്ങളില് നിന്ന് 21 പേര് ഐഎസില് ചേര്ന്നത് വലിയ ചര്ച്ചയായിരുന്നു.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam