കൗൺസിലിങ്ങിനെത്തിയ 18കാരിക്കെതിരെ ലൈംഗികാതിക്രമം; കൗൺസിലർ പിടിയിൽ, സംഭവം കോഴിക്കോട്
Synopsis
പതിനെട്ടുകാരിക്ക് നേരെ ലൈംഗികാതിക്രമം നടത്തിയ സൈക്യാട്രിക് കൗണ്സിലര് അറസ്റ്റില്
കോഴിക്കോട്: പതിനെട്ടുകാരിക്ക് നേരെ ലൈംഗികാതിക്രമം നടത്തിയ സൈക്യാട്രിക് കൗണ്സിലര് അറസ്റ്റില്. കോഴിക്കോട് തൊണ്ടയാട് സ്വദേശി യഹിയ ഖാന് ആണ് അറസ്റ്റിലായത്. കൗണ്സിലിങിന് വന്ന 18കാരിക്കാണ് ദുരനുഭവം നേരിട്ടത്. മാനസിക പ്രയാസത്തിന് പരിഹാരം തേടിയാണ് തൃശൂര് സ്വദേശിയായ 18കാരി പാലാഴിയിലുള്ള യാഹിയ ഖാന് കൗണ്സിലിങ് കേന്ദ്രത്തിലെത്തിയത്.
പെണ്കുട്ടിയുടെ കുടുംബത്തിന് നേരത്തെ പരിചയമുള്ള ആള് കൂടിയാണ് യഹിയ ഖാന്. മാതാവിനൊപ്പമാണ് പെണ്കുട്ടി കൗണ്സിലിങ് കേന്ദ്രത്തിയത്. എന്നാല്, കൗണ്സിലിങ്ങിന്റെ ഭാഗമാണെന്ന് പറഞ്ഞ് പെണ്കുട്ടിയെ വിവിധ സ്ഥലങ്ങളില് കാറില് കൊണ്ട് പോയി പ്രതി ലൈംഗികാതിക്രമം നടത്തുകയായിരുന്നു. കഴിഞ്ഞ വര്ഷം ഡിസംബര് മാസത്തില് വിവിധ സ്ഥലങ്ങളിലെത്തിച്ചായിരുന്നു അതിക്രമം. വലിയ മാനസിക ആഘാതത്തിലായ പെണ്കുട്ടി നേരിട്ട അതിക്രമത്തെക്കുറിച്ച് ഈ വര്ഷം ഫെബ്രുവരിയിലാണ് തൃശ്ശൂര് വനിതാ പൊലീസിനെ അറിയിക്കുന്നത്. കുറ്റകൃത്യം നടന്നത് പന്തീരങ്കാവ് സ്റ്റേഷന് പരിധിയിലായതിനാല് കേസ് ഇങ്ങോട്ട് കൈമാറി. അറസ്റ്റ് രേഖപ്പെടുത്തിയ പ്രതിയെ കോടതിയിൽ ഹാജരാക്കി റിമാൻഡ് ചെയ്തു.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam