Rajmohan Unnithan : രാഷ്ട്രപതി പങ്കെടുക്കുന്ന പരിപാടിയില് നിന്ന് ഒഴിവാക്കി; പ്രതിഷേധവുമായി ഉണ്ണിത്താന്
Synopsis
പ്രോട്ടോക്കോള് പാലിക്കാതെ ബിജെപിക്കാരായ ജനപ്രതിനിധികളെ മാത്രം ഉള്ക്കൊള്ളിച്ച് സമ്പൂര്ണ കാവിവല്ക്കരിക്കപ്പെട്ട പരിപാടിയായി ചടങ്ങിനെ മാറ്റിയെന്നും അദ്ദേഹം ഫേസ്ബുക്ക് പോസ്റ്റില് ആരോപിച്ചു.
കാസര്കോട്: രാഷ്ട്രപതി (President) പങ്കെടുക്കുന്ന കേരള, കേന്ദ്ര സര്വകലാശാലയിലെ കോണ്വൊക്കേഷന് ചടങ്ങില് എംപിയായ തന്നെ ഉള്പ്പെടുത്തിയില്ലെന്ന് രാജ്മോഹന് ഉണ്ണിത്താന് (Rajmohan Unnithan). പ്രോട്ടോക്കോള് പാലിക്കാതെ ബിജെപിക്കാരായ ജനപ്രതിനിധികളെ മാത്രം ഉള്ക്കൊള്ളിച്ച് സമ്പൂര്ണ കാവിവല്ക്കരിക്കപ്പെട്ട പരിപാടിയായി ചടങ്ങിനെ മാറ്റിയെന്നും അദ്ദേഹം ഫേസ്ബുക്ക് പോസ്റ്റില് ആരോപിച്ചു. എംപിയെ ഉള്പ്പെടുത്താത്ത നടപടി ജനാധിപത്യ വിരുദ്ധവും പ്രതിഷേധാര്ഹവുമാണെന്നും രാഷ്ട്രപതിയെക്കൂടി സര്വകലാശാല അധികൃതര് അപമാനിച്ചെന്നും അദ്ദേഹം ആരോപിച്ചു.
ഫേസ്ബുക്ക് പോസ്റ്റിന്റെ പൂര്ണരൂപം
നാളെ രാഷ്ട്രപതി പങ്കെടുക്കുന്ന പെരിയയിലെ കേരള, കേന്ദ്ര സര്വകലാശാലയിലെ കോണ്വൊക്കേഷന് ചടങ്ങില് സ്ഥലം എംപിയെന്ന നിലയില് എന്നെ ചടങ്ങില് ഉള്പ്പെടുത്തിയിട്ടില്ല എന്ന് അറിയാന് കഴിഞ്ഞു, പ്രോട്ടോകോള് പാലിക്കാതെ ബിജെപിക്കാരായ ജനപ്രതിനിധികളെ മാത്രം ഉള്ക്കൊള്ളിച്ച് സമ്പൂര്ണ്ണ കാവി വല്ക്കരിക്കപ്പെട്ട പരിപാടിയായി ഇത് മാറ്റിയിരിക്കുന്നു. ഇത് പ്രതിഷേധാര്ഹമാണ്, തികച്ചും ജനാധിപത്യ വിരുദ്ധവുമാണ്. രാഷ്ട്രപതിയെക്കൂടി അപമാനിച്ചിരിക്കുകയാണ് സര്വ്വകലാശാല അധികൃതര്.രാജ്യത്തെ ഉന്നത വിദ്യാഭ്യാസ മേഖലയെ എത്രമാത്രം കാവി വല്ക്കരിച്ചിരിക്കുന്നു എന്നതിന്റെ ഒടുവിലത്തെ ഉദാഹരണമാണ് കേരള കേന്ദ്ര സര്വ്വകലാശാലയുടെ അസാധാരണമായ ഈ നടപടിയിലൂടെ കാണുന്നത്. ജനാധിപത്യ രാജ്യത്ത് ജനാധിപത്യവിരുദ്ധവും, സ്വജനപക്ഷപാതപരമായ വിചിത്ര നടപടികളിലൂടെ വര്ഗീയ ഫാസിസ്റ്റുകള് മുന്നോട്ടു പോകുമ്പോള് ശക്തമായ പ്രതിഷേധങ്ങളും പ്രതിരോധങ്ങളും ഉണ്ടാവുക തന്നെ ചെയ്യും.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam