റേഷൻ വ്യാപാരികൾ വീണ്ടും സമരത്തിലേക്ക്; സംസ്ഥാന വ്യാപകമായി കടകൾ സെപ്റ്റംബർ 11 ന് അടച്ചിടും
Synopsis
യോഗത്തിൽ അനുകൂല നടപടികള് ഉണ്ടായില്ലെങ്കിൽ അനിശ്ചിതകാല സമരത്തിലേക്ക് നീങ്ങുമെന്നും കേരള സ്റ്റേറ്റ് റീട്ടെയിൽ റേഷൻ ഡീലേഴ്സ് അസോസിയേഷൻ ഭാരവാഹികള് കോഴിക്കോട് പറഞ്ഞു.
തിരുവനന്തപുരം: സംസ്ഥാനത്തെ റേഷൻ വ്യാപാരികൾ വീണ്ടും സമരത്തിലേക്ക്. സെപ്റ്റംബർ 11ന് സംസ്ഥാനവ്യാപകമായി റേഷൻ കടകള് അടച്ചിടും. കിറ്റ് വിതരണത്തിൽ വ്യാപാരികള്ക്ക് നൽകാനുള്ള 11 മാസത്തെ കുടിശിക നൽകുക, വേതന പാക്കേജ് പരിഷ്ക്കരിക്കുക,ഇ പോസ് യന്ത്രത്തിന് നിരന്തരമുണ്ടാകുന്ന തകരാറുകള് പൂർണമായി പരിഹരിക്കുക തുടങ്ങിയ ആവശ്യങ്ങളുന്നയിച്ചാണ് സമരം. ഇന്ന് ഭക്ഷ്യമന്ത്രിയുമായുള്ള യോഗത്തിൽ അനുകൂല നടപടികള് ഉണ്ടായില്ലെങ്കിൽ അനിശ്ചിതകാല സമരത്തിലേക്ക് നീങ്ങുമെന്നും കേരള സ്റ്റേറ്റ് റീട്ടെയിൽ റേഷൻ ഡീലേഴ്സ് അസോസിയേഷൻ ഭാരവാഹികള് കോഴിക്കോട് പറഞ്ഞു.
തുടര്ച്ചയായി മൂന്ന് മാസമോ അതിലധികമോ റേഷന് വാങ്ങാത്ത 59,035 കുടുംബങ്ങളുടെ റേഷന് കാര്ഡുകള് മുന്ഗണനേതര നോണ് സബ്സിഡി വിഭാഗത്തിലേക്ക് (എന്പിഎന്എസ്) മാറ്റി ഉത്തവ് പുറത്ത് വന്നിരുന്നു.. പൊതുവിതരണ വകുപ്പിന്റെ വെബ്സൈറ്റില് ഇത് സംബന്ധിച്ച വിശദമായ കണക്കുകളും വിവരങ്ങളും പ്രസിദ്ധീകരിച്ചിട്ടുണ്ട്. നടപടിയില് പരാതിയുള്ളവര്ക്ക് താലൂക്ക് സപ്ലെ ഓഫീസര്മാര്ക്ക് പരാതി നല്കാം. ഇതിന്മേല് ഉദ്യോഗസ്ഥര് നേരിട്ടെത്തി പരിശോധന നടത്തിയ ശേഷമായിരിക്കും തീരുമാനം എടുക്കുക.
മുന്ഗണനാ വിഭാഗത്തില് നിന്ന് 48,523 കാര്ഡുകളും എഎവൈ വിഭാഗത്തില് നിന്ന് 6247 കാര്ഡുകളും എന്പിഎസ് വിഭാഗത്തില് നിന്ന് 4265 കാര്ഡുകളുമാണ് എന്പിഎന്എസ് വിഭാഗത്തിലേക്ക് മാറ്റിയിരിക്കുന്നത്. ഇവയുടെ ജില്ല തിരിച്ചും താലൂക്ക് സപ്ലെ ഓഫീസുകള് തിരിച്ചുമുള്ള കണക്കുകള് വെബ്സൈറ്റില് പ്രസിദ്ധീകരിച്ചിട്ടുണ്ട്. ഇതില് നിന്ന് ഓരോ വിഭാഗത്തിലെയും കാര്ഡ് ഉടമകളുടെ പേരും കാര്ഡ് നമ്പറും പരിശോധിക്കാം. ഏതൊക്കെ മാസം മുതല് എപ്പോള് വരെയാണ് റേഷന് വാങ്ങാതിരുന്നതെന്നും ഇതിന്റെ അടിസ്ഥാനത്തില് കാര്ഡ് എന്പിഎന്എസ് വിഭാഗത്തിലേക്ക് മാറ്റപ്പെട്ട തീയ്യതിയും വെബ്സൈറ്റില് ഉള്പ്പെടുത്തിയിട്ടുണ്ട്.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam