പൂപ്പാറയിൽ റവന്യൂവകുപ്പിൻ്റെ ശക്തമായ നടപടി, കയ്യേറ്റം ഒഴിപ്പിച്ചു; പുറമ്പോക്ക് കയ്യേറി നടത്തിയ കൃഷിയും നീക്കം ചെയ്തു

ഇടുക്കിയിൽ കയ്യേറ്റക്കാർക്കെതിരെ റവന്യൂവകുപ്പിൻ്റെ ശക്തമായ നടപടി. പൂപ്പാറ മുളളൻതണ്ടിൽ രണ്ട് വില്ലേജുകളിലായുളള കയ്യേറ്റങ്ങൾ ഒഴിപ്പിച്ചു. ഭൂമി കൈയ്യേറിയവരാരും നടപടി സമയത്ത് സ്ഥലത്തുണ്ടായിരുന്നില്ല.

ഇടുക്കി: ഇടുക്കിയിൽ കയ്യേറ്റക്കാർക്കെതിരെ റവന്യൂവകുപ്പിൻ്റെ ശക്തമായ നടപടി. പൂപ്പാറ മുളളൻതണ്ടിൽ രണ്ട് വില്ലേജുകളിലായുളള കയ്യേറ്റങ്ങൾ ഒഴിപ്പിച്ചു. സർക്കാർ പുറമ്പോക്ക് കയ്യേറി നടത്തിയ കൃഷിയും അധികൃതർ നീക്കം ചെയ്തു. പൂപ്പാറ, രാജകുമാരി വില്ലേജുകളിൽപ്പെട്ട 4 ഏക്കർ സർക്കാർ പുറമ്പോക്കിലെ കയ്യേറ്റമാണ് ഒഴിപ്പിച്ചെടുത്തത്. 4 പതിറ്റാണ്ടിലധികമായി കൈവശം വെച്ചിരുന്ന ഭൂമിയാണിതെന്നായിരുന്നു ഉടമയുടെ വാദം. എന്നാൽ, സർക്കാർ പുറമ്പോക്ക് ഭൂമിയാണെന്ന് സ്ഥിരീകരിച്ചതോടെയാണ് നടപടിയിലേക്ക് കടന്നത്. ഭൂമി കൈയ്യേറിയവരാരും നടപടി സമയത്ത് സ്ഥലത്തുണ്ടായിരുന്നില്ല.