'5,219 കോടി രൂപ വരുമാനം, ഏറ്റവും കൂടുതല് എറണാകുളം ജില്ലയില്, 1,166 കോടി'; ശ്രീധന്യ സുരേഷ് പറഞ്ഞത്
Synopsis
2023-24 സാമ്പത്തിക വര്ഷത്തില് 8,86,065 ആധാരങ്ങള് മാത്രമാണ് രജിസ്റ്റര് ചെയ്തതെന്ന് ശ്രീധന്യ.
തിരുവനന്തപുരം: 2023-24 സാമ്പത്തിക വര്ഷത്തില് രജിസ്ട്രേഷന് വകുപ്പിന്റെ വരുമാനം 5219.34 കോടി രൂപ ആയതായി രജിസ്ട്രേഷന് ഇന്സ്പെക്ടര് ജനറല് ശ്രീധന്യ സുരേഷ്.
2022-23 സാമ്പത്തിക വര്ഷത്തില് ഫെബ്രുവരി, മാര്ച്ച് മാസങ്ങളില് രജിസ്ട്രേഷന്റെ എണ്ണത്തില് വന് വര്ധനവുണ്ടാവുകയും, 5662.12 കോടി വരുമാനം നേടുകയും ചെയ്തിരുന്നു. 2022-23 സാമ്പത്തിക വര്ഷത്തില് 10,36,863 ആധാരങ്ങള് രജിസ്റ്റര് ചെയ്ത സ്ഥാനത്ത് 2023-24 സാമ്പത്തിക വര്ഷത്തില് 8,86,065 ആധാരങ്ങള് മാത്രമാണ് രജിസ്റ്റര് ചെയ്തതെന്ന് ശ്രീധന്യ പറഞ്ഞു.
എറണാകുളം ജില്ലയിലാണ് വരുമാനം കൂടുതല്, 1166.69 കോടി രൂപ. ശതമാന കണക്കില് ഏറ്റവും കൂടുതല് വരുമാനം വയനാട് ജില്ലയിലാണ്, 115.02 ശതമാനം. തിരുവനന്തപുരം, ഇടുക്കി, പാലക്കാട്, കോഴിക്കോട്, കണ്ണൂര്, കാസര്ഗോഡ് ജില്ലകള് വരുമാന ലക്ഷ്യത്തിന്റെ 90 ശതമാനത്തിലധികവും കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, തൃശ്ശൂര്, മലപ്പുറം ജില്ലകള് 80 ശതമാനത്തിലധികവും നേടിയെന്ന് ശ്രീധന്യ സുരേഷ് പറഞ്ഞു.
'ഇത്തരം ഡ്രൈവര്മാര് കെഎസ്ആര്ടിസിയില് വേണ്ട'; ബ്രിജേഷിനെ പിരിച്ചുവിട്ടു
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam