'കരുവന്നൂര്,മാസപ്പടി അന്വേഷണങ്ങള് സെറ്റില്മെന്റില് അവസാനിക്കും, തൃശൂരില് സിപിഎം ബിജെപി സഖ്യം വ്യക്തം'
Synopsis
സ്വര്ണക്കള്ളക്കടത്ത്, ലൈഫ് മിഷന്, മാസപ്പടി, ലാവലിന് കേസുകള് സെറ്റില് ചെയ്തതിന് പകരമായി കുഴല്പ്പണ കേസില് നിന്നും കെ. സുരേന്ദ്രനെ ഒഴിവാക്കിക്കൊടുത്തുവെന്നും വിഡി സതീശന്
ആലപ്പുഴ:തൃശൂരിലെ സി.പി.എം- ബി.ജെ.പി സഖ്യം വളരെ വ്യക്തമാണെന്ന് പ്രതിപക്ഷ നേതാവ് വിഡി സതീശന് കുറ്റപ്പെടുത്തി.. കഴിഞ്ഞ നിയമസഭ തിരഞ്ഞെടുപ്പിലേതു പോലെ കരുവന്നൂര്, മാസപ്പടി അന്വേഷണങ്ങള് പാര്ലമെന്റ് തിരഞ്ഞെടുപ്പ് അടുക്കുമ്പോള് ഉണ്ടാക്കുന്ന സെറ്റില്മെന്രില് അവസാനിക്കും. പാര്ലമെന്ര് തിരഞ്ഞെടുപ്പില് കോണ്ഗ്രസ് ബി.ജെ.പിയുമായി സംഖ്യമുണ്ടാക്കുമെന്ന് വിഡ്ഢികള് മാത്രമെ പറയൂ. കോണ്ഗ്രസിന്ർറെ സീറ്റുകളുടെ എണ്ണം കുറയ്ക്കാന് ദേശീയതലത്തില് ബി.ജെ.പി ശ്രമിക്കുകയാണ്. ഈ സാഹചര്യത്തില് ഏറ്റവും കൂടുതല് സീറ്റുകള് ജയിക്കാന് സാധ്യതയുള്ള കേരളത്തില് ബി.ജെ.പിയുമായി കേണ്ഗ്രസ് കൂട്ട് കൂടുമെന്ന് സി.പി.എം പറയുന്നത്, അവര്ക്ക് പറയാന് ഒന്നുമില്ലാത്തത് കൊണ്ടാണ്.
കോണ്ഗ്രസ് വിരുദ്ധതയാണ് സി.പി.എം ലക്ഷ്യം. കോണ്ഗ്രസ് മുക്ത ഭാരതമാണ് ബി.ജെ.പി ലക്ഷ്യം. ഇത് രണ്ടുമാണ് കൂടിയോജിക്കുന്നത്. സ്വര്ണക്കള്ളക്കടത്ത്, ലൈഫ് മിഷന്, മാസപ്പടി, ലാവലിന് കേസുകള് സെറ്റില് ചെയ്തതിന് പകരമായി കുഴല്പ്പണ കേസില് നിന്നും കെ. സുരേന്ദ്രനെ ഒഴിവാക്കിക്കൊടുത്തുവെന്നും സതീശന് പറഞ്ഞു