വയനാട്ടിലെ ഹൈസ്കൂൾ മലയാളം അധ്യാപക നിയമനം; 'ഉത്തരവ് നടപ്പാക്കിയില്ലെങ്കിൽ കടുത്ത നടപടി'; സുപ്രീം കോടതി
Synopsis
വിദ്യാഭ്യാസ വകുപ്പ് പ്രിന്സിപ്പല് സെക്രട്ടറി റാണി ജോര്ജിനാണ് മുന്നറിയിപ്പ് നല്കിയത്. റാണി ജോര്ജ് പ്രഥമദൃഷ്ട്യാ കോടതിയലക്ഷ്യം നടത്തിയെന്നും സുപ്രീം കോടതി നിരീക്ഷിച്ചു.
ദില്ലി: പൊതുവിദ്യാഭ്യാസ വകുപ്പിനെതിരെ കടുത്ത നടപടികളിലേക്ക് നീങ്ങുമെന്ന് സുപ്രീം കോടതി മുന്നറിയിപ്പ്. വയനാട്ടിലെ ഹൈസ്കൂള് മലയാളം അധ്യാപക നിയമനത്തിലെ സുപ്രീം കോടതി ഉത്തരവ് 10ാം തീയതിക്കുള്ളില് നടപ്പാക്കിയില്ലെങ്കില് വിദ്യാഭ്യാസ വകുപ്പ് പ്രിന്സിപ്പല് സെക്രട്ടറിയെ ജയിലില് അയക്കുമെന്ന് സുപ്രീം കോടതി മുന്നറിയിപ്പ് നല്കി. വിദ്യാഭ്യാസ വകുപ്പ് പ്രിന്സിപ്പല് സെക്രട്ടറി റാണി ജോര്ജിനാണ് മുന്നറിയിപ്പ് നല്കിയത്.
റാണി ജോര്ജ് പ്രഥമദൃഷ്ട്യാ കോടതിയലക്ഷ്യം നടത്തിയെന്നും സുപ്രീം കോടതി നിരീക്ഷിച്ചു. വയനാട്ടിലെ ഹൈസ്കൂള് മലയാളം അധ്യാപക നിയമനത്തില് ഉത്തരവ് മനഃപ്പൂര്വം നടപ്പാക്കിയില്ലെന്ന കോടതിയലക്ഷ്യ ഹർജിയിലാണ് കോടതി നടപടി. അവിനാശ് പി., റാലി പി.ആര്., ജോണ്സണ് ഇ.വി., ഷീമ എം. എന്നിവരെ വയനാട് ജില്ലയിലെ ഹൈസ്കൂള് മലയാളം അധ്യാപികമാരായി നിയമിക്കാന് സുപ്രീം കോടതി കഴിഞ്ഞ വര്ഷം ഒക്ടോബറില് നിര്ദേശിച്ചിരുന്നത്. കേസിൽ ഹർജിക്കാർക്കായി മുതിർന്ന അഭിഭാഷകന് വിവേക് ചിബും അഭിഭാഷകന് ദിലീപ് പോളക്കാടും ഹാജരായി. സംസ്ഥാന സര്ക്കാരിനുവേണ്ടി മുതിർന്ന അഭിഭാഷകന് പി.എന്. രവീന്ദ്രനും സ്റ്റാന്ഡിങ് കോണ്സല് നിഷേ രാജന് ഷോങ്കാറും ഹാജരായി.
'നിയമന ഉത്തരവ് നടപ്പാക്കിയില്ലെങ്കിൽ ജയിലിലാക്കും'; സുപ്രീം കോടതിയുടെ മുന്നറിയിപ്പ്
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam