'വിജയരാഘവന്‍ നയിക്കുന്നത് വര്‍ഗീയ മുന്നേറ്റ ജാഥ'; വിമര്‍ശനവുമായി ഷാഫി പറമ്പില്‍

വിജയരാഘവൻ സംസ്ഥാന സെക്രട്ടറിയായതോടെ ബിജെപി സംസ്ഥാന അധ്യക്ഷന്‍റെ ശമ്പളം പകുതിയായി കുറച്ചെന്നും ഷാഫി പറമ്പില്‍ പരിഹസിച്ചു. 

കണ്ണൂര്‍: വിജയരാഘവൻ നയിക്കുന്നത് വികസന മുന്നേറ്റ ജാഥയല്ല, വർഗീയ മുന്നേറ്റ ജാഥയെന്ന് ഷാഫി പറമ്പിൽ എംഎൽഎ. 
ജാഥ നയിക്കുന്നത് വർഗീയ രാഘവനാണ്. വിജയരാഘവൻ സംസ്ഥാന സെക്രട്ടറിയായതോടെ ബിജെപി സംസ്ഥാന അധ്യക്ഷന്‍റെ ശമ്പളം പകുതിയായി കുറച്ചെന്നും ഷാഫി പറമ്പില്‍ പരിഹസിച്ചു. 

സിപിഎം സംസ്ഥാന സെക്രട്ടറി എ വിജയരാഘവന്‍ നയിക്കുന്ന എല്‍ഡിഎഫിന്‍റെ വടക്കന്‍ മേഖലാ ജാഥയ്ക്ക് നാളെ കാസര്‍കോടാണ് തുടക്കം. ജാഥ ഉപ്പളയില്‍ മുഖ്യമന്ത്രി പിണറായി വിജയന്‍ ഉദ്ഘാടനം ചെയ്യും.