ഇന്ന് സംസ്ഥാനത്ത് ലോക്ഡൗണിനു സമാനമായ നിയന്ത്രണങ്ങൾ;കൊവിഡ് വ്യാപനം കുറയുന്നുവെന്ന് വിലയിരുത്തൽ
Synopsis
ഔദ്യോഗിക ആവശ്യങ്ങള്ക്കായി പോകുന്നവര് തിരിച്ചറിയല് കാര്ഡ് കരുതണം.ദീര്ഘദൂര യാത്രക്ക് പോകുന്നവര് യാത്രാ രേഖകള് കാണിക്കണം.അവശ്യ ഭക്ഷ്യവസ്തുക്കള് വില്ക്കുന്ന കടകള് മാത്രം തുറക്കാം.ഹോട്ടലുകളില് പാഴ്സല് മാത്രം അനുവദിക്കും
തിരുവനന്തപുരം: കൊവിഡ് (covifd)വ്യാപനത്തിന്റെ പശ്ചാത്തലത്തില് കഴിഞ്ഞ രണ്ട് ഞായറാഴ്ചകളില് നടപ്പിലാക്കിയ ലോക്ഡൗണിന് (lockdown)സമാനമായ നിയന്ത്രണങ്ങള് ഇന്നും തുടരും. അവശ്യ സര്വീസുകള്ക്ക് മാത്രമായിരിക്കും അനുമതി.വാഹനങ്ങള് കര്ശന പരിശോധനക്ക് വിധേയമാക്കും.
ഔദ്യോഗിക ആവശ്യങ്ങള്ക്കായി പോകുന്നവര് തിരിച്ചറിയല് കാര്ഡ് കരുതണം.ദീര്ഘദൂര യാത്രക്ക് പോകുന്നവര് യാത്രാ രേഖകള് കാണിക്കണം.അവശ്യ ഭക്ഷ്യവസ്തുക്കള് വില്ക്കുന്ന കടകള് മാത്രം തുറക്കാം.ഹോട്ടലുകളില് പാഴ്സല് മാത്രം അനുവദിക്കും.
നിയന്ത്രണങ്ങള് ലംഘിക്കുന്നവര്ക്കെതിരെ കര്ശന നടപടി സ്വീകരിക്കുമെന്ന് പോലീസ് അറിയിച്ചു.
സംസ്ഥാനത്തെ കൊവിഡ് വ്യാപനം കുറയുന്നുണ്ടെന്നാണ് സർക്കാരിൻ്റെ വിലയിരുത്തൽ. കേസുകളിൽ കുറവ് വരുന്ന മുറയ്ക്ക് നിയന്ത്രണങ്ങളിൽ കൂടുതൽ ഇളവുകൾ കൊണ്ടു വരാം എന്നാണ് സർക്കാരിൻ്റെ നിലപാട്. അതിനാൽ അടുത്ത ആഴ്ചയോടെ വിപുലമായ ഇളവുകൾ വന്നേക്കും. അതേസമയം സി കാറ്റഗറിയിൽ നിന്നും ഒഴിവാക്കപ്പെടുന്നതോടെ തിരുവനന്തപുരം ജില്ലയിൽ കൂടുതൽ ഇളവുകൾ നിലവിൽ വന്നു. സി കാറ്റഗറിയിൽ ഇപ്പോൾ ഒരു ജില്ലപോലുമില്ല.
കോളജുകൾ നാളെയും സ്കൂളുകൾ 14നും തുറക്കും. പൊതുപരീക്ഷകൾക്ക് മുൻപായി പാഠഭാഗങ്ങൾ തീർക്കുക എന്ന ലക്ഷ്യത്തോടെയാണ് അധ്യയന തീർക്കുകയാണ് ലക്ഷ്യം. ആറ്റുകാൽ പൊങ്കാലയ്ക്ക് ഇക്കുറിയും നിയന്ത്രണങ്ങളോടെ അനുമതി നൽകി. കഴിഞ്ഞ തവണ പോലെ ഭക്തജനങ്ങൾ വീടുകളിൽ ഇരുന്ന് പൊങ്കാലയിടണം. ആരേയും റോഡിൽ പൊങ്കാലയിടാൻ അനുവദിക്കില്ല.