`തന്റെ അമ്മയുടെ പെൻഷൻ പി കെ ശ്രീമതി ടീച്ചർ വാങ്ങിയിട്ടില്ല'; വിവാദത്തിൽ പ്രതികരിച്ച് മുൻ എംഎൽഎ പി ആർ കൃഷ്ണന്റെ മകൻ

സിപിഎം നേതാവ് പി കെ ശ്രീമതി ടീച്ചറുടെ പെൻഷൻ വാങ്ങൽ വിവാദത്തിൽ പ്രതികരിച്ച് കുന്നംകുളം മുൻ എംഎൽഎ പി ആർ കൃഷ്ണന്റെ മകൻ. സിപിഎം നേതാവ് പി കെ ശ്രീമതി തന്റെ അമ്മയായ പി കെ ശ്രീമതിയുടെ പെൻഷൻ വാങ്ങിയിട്ടില്ലെന്നും പേരിലെ സാമ്യം കൊണ്ട് ഉണ്ടാക്കുന്ന വിവാദമാണെന്നും അജിത് കുമാർ പറഞ്ഞു.

തൃശൂർ: സിപിഎം നേതാവ് പി കെ ശ്രീമതി ടീച്ചറുടെ പെൻഷൻ വാങ്ങൽ വിവാദത്തിൽ പ്രതികരിച്ച് കുന്നംകുളം മുൻ എംഎൽഎ പി ആർ കൃഷ്ണന്റെ മകൻ അജിത് കുമാർ. സിപിഎം നേതാവ് പി കെ ശ്രീമതി തന്റെ അമ്മയായ പി കെ ശ്രീമതിയുടെ പെൻഷൻ വാങ്ങിയിട്ടില്ലെന്നും പേരിലെ സാമ്യം കൊണ്ട് ഉണ്ടാക്കുന്ന വിവാദമാണെന്നും അജിത് കുമാർ പറഞ്ഞു. അറിവില്ലായ്മ കൊണ്ടോ മനപ്പൂർവ്വമോ ആണ് വിവാദമുണ്ടാക്കിയത്. സിപിഎം നേതാവ് പി കെ ശ്രീമതിക്ക് തന്റെ നിരുപാധിക പിന്തുണയുണ്ടെന്നും അദ്ദേഹം മാധ്യമങ്ങളോട് പറഞ്ഞു.

കുന്നംകുളം മുൻ എംഎൽഎ പി ആർ കൃഷ്ണന്റെ ഭാര്യയുടെ പെൻഷൻ സിപിഎം നേതാവ് പി കെ ശ്രീമതി ടീച്ചർ വാങ്ങുന്നെന്ന് ആരോപിച്ചായിരുന്നു വിവാദം. ഇതിൽ വൈകാരികമായി പ്രതികരിച്ച് പി കെ ശ്രീമതി ടീച്ചർ രം​ഗത്തുവന്നിരുന്നു. തനിക്കെതിരെ നടക്കുന്ന വ്യാജ പ്രചാരണത്തിൽ മാനനഷ്ടത്തിന് കേസ് കൊടുക്കുമെന്നും അവർ പറഞ്ഞിരുന്നു. ഇതുസംബന്ധിച്ച് ഡിജിപിക്കും ആഭ്യന്തര മന്ത്രിക്കും സ്പീക്കര്‍ക്കും മുഖ്യമന്ത്രിക്കും പരാതി കൊടുക്കുമെന്നും പി കെ ശ്രീമതി ടീച്ചർ പ്രതികരിച്ചു.