ബസുകളുടെ അമിത വേഗം; കണ്ണൂരിൽ രണ്ടു ദിവസത്തിനുള്ളിൽ 35 കേസുകൾ

എംവിഡിയും പൊലീസും ചേർന്നാണ് പരിശോധന നടത്തിയത്.  കണ്ണൂരിലെ ബസ്സുകളുടെ അമിത വേ​ഗത ഏഷ്യാനെറ്റ് ന്യൂസ് റിപ്പോർട്ട് ചെയ്തിരുന്നു. 

കണ്ണൂർ: ബസുകളുടെ അമിത വേഗവുമായി ബന്ധപ്പെട്ട് കണ്ണൂരിൽ രണ്ട് ദിവസത്തെ സ്പെഷ്യൽ ഡ്രൈവിൽ 35 കേസുകൾ റിപ്പോർട്ട് ചെയ്തു. ബസ്സുകളുടെ അമിതവേഗം, അശ്രദ്ധയോടെ വാഹനം ഓടിക്കൽ, സ്പീഡ് ഗവർണർ ഉപയോഗിക്കാതിരിക്കൽ എന്നിവയിലാണ് കേസുകൾ രജിസ്റ്റർ ചെയ്തിട്ടുള്ളത്. എംവിഡിയും പൊലീസും ചേർന്നാണ് പരിശോധന നടത്തിയത്.  കണ്ണൂരിലെ ബസ്സുകളുടെ അമിത വേ​ഗത ഏഷ്യാനെറ്റ് ന്യൂസ് റിപ്പോർട്ട് ചെയ്തിരുന്നു. കണ്ണൂരിലെ മൂന്ന് സബ് ഡിവിഷനുകളിൽ മാത്രമാണ് 35 നിയമലംഘനങ്ങൾ. പരിശോധനയുടെ അടിസ്ഥാനത്തിൽ ബസുകൾക്ക് 28,500 രൂപയാണ് പിഴ ചുമത്തിയത്. കണ്ണൂർ,കൂത്തുപറമ്പ്,തലശ്ശേരി ഡിവിഷനുകളിൽ മാത്രമായാണ് 35 നിയമലംഘനങ്ങൾ കണ്ടെത്തിയത്. പരിശോധന രണ്ട് ദിവസം കൂടി തുടരും. 

https://www.youtube.com/watch?v=qPFKEOh2VuI