മന്ത്രി ജലീല് ഇടപെട്ട കോളേജ് മാറ്റം: വിവാദമായതിനെ തുടര്ന്ന് വിദ്യാര്ഥിനി പഠനം നിര്ത്തി
Synopsis
അച്ഛന് ഉപേക്ഷിക്കുകയും അമ്മ കാന്സര് ബാധിതയായി മരിക്കുകയും ചെയ്ത വിദ്യാര്ഥിനി പഠന സൗകര്യാര്ഥമാണ് തിരുവനന്തപുരത്തേക്ക് മാറ്റത്തിന് മന്ത്രിയെ സമീപിച്ചത്.
തിരുവനന്തപുരം: ഉന്നത വിദ്യാഭ്യാസ മന്ത്രി കെ ടി ജലീല് ഇടപെട്ടതിനെ തുടര്ന്ന് കോളേജ് മാറ്റം ലഭിച്ച പെണ്കുട്ടി വിവാദങ്ങളെ തുടര്ന്ന് പഠനം അവസാനിപ്പിച്ചു. തിരുവനന്തപുരം നെയ്യാറ്റിന്കര സ്വദേശിയായ വിദ്യാര്ഥിനിക്ക് ആലപ്പുഴ ചേര്ത്തല എന്എസ്എസ് കോളേജില്നിന്ന് തിരുവനന്തപുരം വിമെന്സ് കോളേജിലാക്കാണ് മന്ത്രി ഇടപെട്ട് മാറ്റം നല്കിയത്. എന്നാല്, മാര്ക്ക് ദാന വിവാദത്തില് ഈ സംഭവവും ഉയര്ന്നുവന്നതോടെ മന്ത്രിക്കെതിരെ പ്രതിപക്ഷം രംഗത്തെത്തിയിരുന്നു.
അച്ഛന് ഉപേക്ഷിക്കുകയും അമ്മ കാന്സര് ബാധിതയായി മരിക്കുകയും ചെയ്ത ഒന്നാം വര്ഷ വിദ്യാര്ഥിനി പഠന സൗകര്യാര്ഥമാണ് തിരുവനന്തപുരത്തേക്ക് മാറ്റത്തിന് മന്ത്രിയെ സമീപിച്ചത്. മന്ത്രി അപേക്ഷ പരിഗണിക്കുകയും ചെയ്തു. സംഭവം വിവാദമായ പശ്ചാത്തലത്തില് കാര്യങ്ങള് വിശദീകരിച്ച് വിദ്യാര്ഥിനി തന്നെ സോഷ്യല്മീഡിയയില് രംഗത്തെത്തിയിരുന്നു. പഠനം അവസാനിപ്പിക്കുന്നുവെന്ന് കാണിച്ച് വിദ്യാര്ഥിനി നല്കിയ കത്ത് സിന്ഡിക്കേറ്റ് അംഗീകരിച്ചു. ചേര്ത്തലയില്നിന്ന് പഠിക്കാന് സാധിക്കാത്തതിനാലാണ് വിദ്യാര്ഥിനി പഠനം അവസാനിപ്പിക്കുന്നത്.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam