കളമശ്ശേരിയിൽ ക്ഷേത്രത്തിൽ മോഷണം; വിളക്കുകളും മണികളും പണവും കവർന്നു

ചുള്ളിക്കാവ് ശ്രീദുർഗ ഭഗവതി ക്ഷേത്രത്തിൽ പുലർച്ചെ മോഷണം. ക്ഷേത്രത്തിലെ വിളക്കുകളും തൂക്കുവിളക്കുകളും മണികളും നിലവിളക്കുകളും ഉൾപ്പെടെയുള്ള സാധനങ്ങൾ മോഷ്ടിച്ചു

കളമശ്ശേരി: ചുള്ളിക്കാവ് ശ്രീദുർഗ ഭഗവതി ക്ഷേത്രത്തിൽ പുലർച്ചെ മോഷണം. ക്ഷേത്രത്തിലെ വിളക്കുകളും തൂക്കുവിളക്കുകളും മണികളും നിലവിളക്കുകളും ഉൾപ്പെടെയുള്ള സാധനങ്ങൾ മോഷ്ടിച്ചു. ക്ഷേത്രത്തിലെ ഭണ്ഡാരം കുത്തിത്തുറന്ന മോഷ്ടാക്കൾ അതിലുണ്ടായിരുന്ന പണവും കവർന്നു.

സംഭവം ശ്രദ്ധയിൽപ്പെട്ടതിനെ തുടർന്ന് ക്ഷേത്ര ഭാരവാഹികൾ പോലീസിൽ പരാതി നൽകി. പരാതിയുടെ അടിസ്ഥാനത്തിൽ പോലീസ് അന്വേഷണം ആരംഭിച്ചു. ക്ഷേത്രത്തിലെ മോഷണവുമായി ബന്ധപ്പെട്ട് കൂടുതൽ വിവരങ്ങൾ ശേഖരിച്ചുവരികയാണ്.