കപ്പലിലെ മോഷണം: കേന്ദ്ര ഏജന്സികള് അന്വേഷണം തുടങ്ങി
Synopsis
കപ്പല്ശാല നല്കിയ പരാതിയില് കേസന്വേഷിക്കാന് പൊലീസും പ്രത്യേക സംഘം രൂപീകരിച്ചിട്ടുണ്ട്. ക്രൈം ഡിറ്റാച്ച്മെന്റ് അസിസ്റ്റന്റ് കമ്മീഷണര് ബിജി ജോര്ജിന്റെ നേതൃത്വത്തിലുള്ള സംഘമാണ് കേസ് അന്വേഷിക്കുക
കൊച്ചി: കൊച്ചി കപ്പല്ശാലയില് നിര്മാണത്തിലിരിക്കുന്ന, നാവിക സേനയുടെ വിമാനവാഹിനിക്കപ്പലായ ഐഎന്എസ് വിക്രാന്തില് നിന്ന് കംപ്യൂട്ടര് ഹാര്ഡ് വെയറുകള് മോഷണം പോയതിനെ കുറിച്ച് കേന്ദ്ര ഏജന്സികള് അന്വേഷണം തുടങ്ങി. രണ്ടു ദിവസം മുമ്പാണ് ഇവ മോഷണം പോയതായി ശ്രദ്ധയില്പ്പെട്ടത്.
കപ്പല്ശാല നല്കിയ പരാതിയില് കേസന്വേഷിക്കാന് പൊലീസും പ്രത്യേക സംഘം രൂപീകരിച്ചിട്ടുണ്ട്. ക്രൈം ഡിറ്റാച്ച്മെന്റ് അസിസ്റ്റന്റ് കമ്മീഷണര് ബിജി ജോര്ജിന്റെ നേതൃത്വത്തിലുള്ള സംഘമാണ് കേസ് അന്വേഷിക്കുക. കപ്പലില് ജോലിയെടുത്ത കരാര് തൊഴിലാളികളേയും കപ്പല്ശാലയിലെ ജീവനക്കാരെയും പൊലീസ് ചോദ്യം ചെയ്തു വരികയാണ്.
നാവിക സേനയ്ക്ക് കൈമാറാത്തിനാല് സേനയുമായി ബന്ധപ്പെട്ട സുരക്ഷാ വിവരങ്ങളൊന്നും കപ്പലിലില്ലെന്ന് അധികൃതര് അറിയിച്ചിട്ടുണ്ട്. 2009ലാണ് ഐഎന്എസ് വിക്രാന്ത്രിന്റെ നിര്മാണം കപ്പല്ശാലയില് ആരംഭിച്ചത്. 2022 ല് നിര്മാണം പൂര്ത്തിയാക്കി നാവിക സേനയക്ക് കൈമാറും.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam