K Rail : കണ്ണൂരില് ഇന്ന് കെ റെയില് കല്ലിടലില്ല; ഉടന് പുനരാരംഭിക്കുമെന്ന് ഉദ്യോഗസ്ഥര്
Synopsis
കല്ലിടലുമായി ബന്ധപ്പെട്ട് ഇന്നലെ ഉച്ചയ്ക്ക് കണ്ണൂര് എടക്കാട് നടാല് ഭാഗത്ത് സംഘര്ഷമുണ്ടായിരുന്നു.
കണ്ണൂര്: കണ്ണൂരില് ഇന്ന് കെ റെയില് (K Rail) കല്ലിടല് ഇല്ല. സാങ്കേതിക കാരണങ്ങളാലെന്നാണ് വിശദീകരണം. കല്ലിടല് ഉടന് പുനരാരംഭിക്കുമെന്നും ഉദ്യോഗസ്ഥര് പറഞ്ഞു. കല്ലിടലുമായി ബന്ധപ്പെട്ട് ഇന്നലെ ഉച്ചയ്ക്ക് കണ്ണൂര് എടക്കാട് നടാല് ഭാഗത്ത് സംഘര്ഷമുണ്ടായിരുന്നു. എടക്കാട് നടാൽ ഭാഗത്ത് സ്വകാര്യവ്യക്തിയുടെ ഭൂമിയിൽ ഉദ്യോഗസ്ഥർ കല്ലിടുമ്പോള് കോൺഗ്രസ് പ്രതിഷേധവുമായി എത്തി. കല്ലു പറിക്കാൻ തുടങ്ങുമ്പോഴേക്കും സിപിഎം പ്രവര്ത്തകര് എത്തി. തുടര്ന്ന് പ്രതിഷേധക്കാരുമായി സംഘര്ഷമുണ്ടായി. പൊലീസെത്തി തല്ലിയ രണ്ട് സിപിഎമ്മുകാരെയും പ്രതിഷേധത്തിന് എത്തിയ കോൺഗ്രസുകാരെയും കസ്റ്റഡിയിലെടുത്തു. തുടര്ന്ന് പ്രതിഷേധിക്കാനെത്തിയ എസ്ഡിപിഐ, ജമാഅത്തെ ഇസ്ലാമി, എസ്യുസിഐ പ്രവർത്തകര് വീട്ടുകാരുടെ അനുമതി ഇല്ലാതെ നാട്ടിയ കല്ലുകൾ പിഴുതുമാറ്റുകയായിരുന്നു.
അതേസമയം എടക്കാട് സംഘര്ഷത്തെ ന്യായീകരിച്ച് കണ്ണൂര് ജില്ലാ സെക്രട്ടറി എം വി ജയരാജനെത്തി. സിപിഎം പ്രവര്ത്തകര് ആരെയും തല്ലിയിട്ടില്ല. കോണ്ഗ്രസ് പ്രവര്ത്തകര് ഉദ്യോഗസ്ഥര്ക്ക് എതിരെ വധഭീഷണി മുഴക്കി. തടയാന് പരിശ്രമിച്ചവര്ക്ക് പിന്തിരിയേണ്ടി വന്നു. പൊലീസ് സിപിഎം പ്രവർത്തകരെ കസ്റ്റഡിയിലെടുത്തത് വസ്തുത അറിയാതെയാണ്. ഭൂമി പോകുന്ന ആര്ക്കും പരാതിയില്ലെന്നും എം വി ജയരാജന് വിശദീകരിച്ചു.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam