കാടാമ്പുഴയില് വിദ്യാര്ത്ഥിയെ പീഡിപ്പിച്ച സംഭവം: മൂന്ന് പേര് കൂടി അറസ്റ്റില്
Synopsis
ചൈൽഡ് ലൈൻ കൗൺസിലിംഗിൽ കാടമ്പുഴയിലും പരിസരങ്ങളിലും വെച്ച് പല സമയങ്ങളിലായി പതിനാറോളം പേര് തന്നെ ലൈംഗികമായി പീഡിപ്പിച്ചതായി പതിനാറുകാരന് മൊഴി നല്കി
മലപ്പുറം: വളാഞ്ചേരി കാടമ്പുഴയില് പ്ലസ് വണ് വിദ്യാര്ത്ഥിയെ പതിനാറ് പേര് ലൈംഗികമായി പീഡിപ്പിച്ച സംഭവത്തിൽ മൂന്ന് പേർ കൂടി അറസ്റ്റിൽ. ഇതോടെ അറസ്റ്റിലായവരുടെ എണ്ണം പത്തായി. ആതവനാട് സ്വദേശികളായ അണ്ണത്ത് വീട്ടിൽ മുഹമ്മദലി, മാട്ടുമ്മൽ കുണ്ടിൽ വീട് അലി, മറ്റത്ത് വീട് കുഞ്ഞിമുഹമ്മദ് എന്നിവരെയാണ് വളാഞ്ചേരി പോലീസ് അറസ്റ്റ് ചെയ്തത്
മലപ്പുറം കാടമ്പുഴയില് പ്ലസ് വണ് വിദ്യാര്ത്ഥിയെ പതിനാറ് പേര് ലൈംഗികമായി പീഡിപ്പിച്ച സംഭവത്തില് രണ്ട് പൊലീസ് സ്റ്റേഷനുകളിലായി രജിസ്റ്റർ ചെയ്ത കേസിൽ ഏഴുപേരെ നേരത്തെ അറസ്റ്റ് ചെയ്തിരുന്നു. ചൈല്ഡ് ലൈന് നടത്തിയ കൗണ്സിലിങ്ങിലാണ് ഞെട്ടിപ്പിക്കുന്ന വിവരങ്ങള് പുറത്തുവന്നത്
ചൈൽഡ് ലൈൻ കൗൺസിലിംഗിൽ കാടമ്പുഴയിലും പരിസരങ്ങളിലും വെച്ച് പല സമയങ്ങളിലായി പതിനാറോളം പേര് തന്നെ ലൈംഗികമായി പീഡിപ്പിച്ചതായി പതിനാറുകാരന് മൊഴി നല്കി. മൊഴിയുടെ അടിസ്ഥാനത്തില് ചൈല്ഡ് ലൈന് പ്രവര്ത്തകര് പോലീസിനെ വിവരമറിയിക്കുയായിരുന്നു. തുടര്ന്ന് കാടാമ്പുഴ, കല്പ്പകഞ്ചേരി സ്റ്റേഷനുകളിലായി നാല് കേസുകള് രജിസ്ററര് ചെയ്തു.
കല്പ്പകഞ്ചേരി സ്റ്റേഷനില് രജിസ്റ്റര് ചെയ്ത കേസില് കുറുക്കോള് സ്വദേശി അബ്ദുല് സമദ്, കല്ലിങ്ങലില് ശിവദാസന്, രണ്ടത്താണി സ്വദേശി സമീര് എന്നിവരും കാടാമ്പുഴ സ്റ്റേഷനില് രജിസ്റ്റര് ചെയ്ത കേസില് കാടമ്പുഴ കല്ലാര്മംഗലം മുഹമ്മദ് കോയ, കരിങ്കറായി മൊയതീന്കുട്ടി, കറവത്തനകത്ത് വടക്കേവളപ്പില് ലിയാക്കത്ത്, പുളിക്കല് ജലീല് എന്നിവരുമാണ് അറസ്റ്റിലായത്. വളാഞ്ചേരി സ്റ്റേഷനിലും സമാനമായ കേസ് രജിസ്റ്റര് ചെയ്തിട്ടുണ്ട്. വരും ദിവസങ്ങളില് കൂടുതല് അറസ്ററുണ്ടാകുമെന്നാണ് സൂചന.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam