തിരുവനന്തപുരത്ത് ട്രാൻസ്ജെന്റർ സർക്കസ് കാണാൻ വന്ന കുഞ്ഞിനെ തട്ടിക്കൊണ്ടുപോകാൻ ശ്രമിച്ചു; അറസ്റ്റ്

പ്രതിയായ ട്രാൻസ്ജെന്റർ ഗീതുവിനെ ഇന്ന് കിഴക്കേക്കോട്ടയിൽ വച്ച് തന്നെ ഫോർട്ട് പൊലീസ് അറസ്റ്റ് ചെയ്തു

തിരുവനന്തപുരം: തിരുവനന്തപുരത്ത് അച്ഛന്റെ കൈയ്യിലിരുന്ന കുട്ടിയെ തട്ടിക്കൊണ്ടുപോകാൻ ശ്രമിച്ച കേസിൽ ട്രാൻസ്ജെന്റർ അറസ്റ്റിൽ. ഇന്നലെ വൈകിട്ട് കിഴക്കേക്കോട്ടയിൽ വച്ചാണ് സംഭവം. മണ്ണന്തല സ്വദേശി പ്രസാദും ഭാര്യയും കുട്ടിയുമായി സർക്കസ് കാണാൻ വന്നതായിരുന്നു. ഇതിനിടെ ട്രാൻസ്ജെന്ററായ പ്രതി കുട്ടിയെ പ്രസാദിന്റെ കൈയ്യിൽ നിന്നും പിടിച്ച് വലിച്ച് തട്ടിക്കൊണ്ടുപോകാൻ ശ്രമിക്കുകയായിരുന്നു. എന്നാൽ പ്രസാദ് കുട്ടിയെ കൈവിടാതെ പിടിച്ചു. ഇതിനിടെ ആളുകൾ ഓടിക്കൂടിയപ്പോൾ പ്രതി ഓടിരക്ഷപ്പെട്ടു. പ്രസാദ് ഇന്നലെ തന്നെ ഫോർട്ട് പൊലീസിൽ പരാതി നൽകിയിരുന്നു. പ്രതിയായ ട്രാൻസ്ജെന്റർ ഗീതുവിനെ ഇന്ന് കിഴക്കേക്കോട്ടയിൽ വച്ച് തന്നെ ഫോർട്ട് പൊലീസ് അറസ്റ്റ് ചെയ്യുകയായിരുന്നു. 

ഏഷ്യാനെറ്റ് ന്യൂസ് ലൈവ് | Malayalam News Live