കെഎസ്ആർടിസി പ്രതിസന്ധി: ഗതാഗതമന്ത്രി മുഖ്യമന്ത്രിയുമായി കൂടിക്കാഴ്ച നടത്തി

മിന്നൽ പണിമുടക്കിലേക്കില്ലെങ്കിലും  സംയുക്തമായി അനിശ്ചിതകാല സമരത്തിന് നോട്ടീസ് നൽകുന്നതടക്കം  യൂണിയൻ നേതാക്കളുടെ പരിഗണനയിലുണ്ട്

കണ്ണൂർ: കെഎസ്ആർടിസിയിലെ പ്രതിസന്ധിയിൽ മുഖ്യമന്ത്രിയുമായി ഗതാഗതമന്ത്രി കൂടിക്കാഴ്ച നടത്തി. ശമ്പള വിതരണം വൈകുന്നതടക്കം നിലവിലെ പ്രശ്നങ്ങൾ മുഖ്യമന്ത്രിയെ ഗതാഗതമന്ത്രി ആന്റണി രാജു ഓഫീൽ എത്തി ധരിപ്പിച്ചു. ജോലിചെയ്തതിന്റെ കൂലി നൽകാനാവാത്തത് സർക്കാരിന്റെ ഭരണ പരാജയമാണെന്ന് ആരോപിച്ച ഐഎൻടിയുസി,  നാളെ  യൂണിറ്റ് കേന്ദ്രങ്ങളിൽ പ്രതിഷേധിക്കും. 

കെഎസ്ആർടിസിയിലെ പ്രശ്നങ്ങൾക്ക് ശാശ്വത പരിഹാരം കണ്ടെത്താൻ മുഖ്യന്ത്രിയെ കണ്ട് ആവശ്യപ്പെടുമെന്ന് പണിമുടക്കിന് മുൻപ് ജീവനക്കാരോട് ഗതാഗതമന്ത്രി  പറഞ്ഞിരുന്നു. മുഖ്യമന്ത്രി അമേരിക്കയിലെ ചികിത്സ കഴിഞ്ഞ് തിരിച്ചെത്തി പിറ്റേന്ന് തന്നെ ആന്റണി രാജു മുഖ്യമന്ത്രിയെ ചേംബറിൽ ചെന്ന് നേരിട്ട് കണ്ട് കാര്യങ്ങൾ ധരിപ്പിച്ചു. 

സർക്കാരിനെ വെല്ലുവിളിച്ച്  പണിമുടക്ക് സമരത്തിലേക്ക് പേയ ജീവനക്കാർക്ക് ശ്നപളം നൽകാനുള്ള പണം മാനേജ്മെന്റ് തന്നെ കണ്ടെത്തട്ടെ എന്ന നിലപാട് കൂടിക്കാഴ്ചയിലും ആന്റണി രാജു ആവർത്തിച്ചു.  അതേസമയം  എല്ലാ മാസവും അഞ്ചാം തീയതിക്കുള്ളിൽ ശന്പളം നൽകാൻ ഉതകും വിധം സമഗ്രമായ പ്രശ്ന പരിഹാ പദ്ധതി വേണമെന്നും മുഖ്യമന്ത്രിയോട്  ആവശ്യപ്പെട്ടു. ശന്പള പ്രശ്നത്തിൽ മുഖ്യമന്ത്രി ഇടപെടൽ യൂനിയൻ ഭേദമന്യേ തൊഴിലാളികൾ പറഞ്ഞു. ശന്പളം നൽകാനാവാത്തത് സർക്കാരിന്റെ പരാജയമാണെന്ന് INTUC കുറ്റപ്പെടുത്തി. 

 പ്രതിഷേധ പ്രകടനങ്ങൾ അടക്കം നിരോധിച്ചുകൊണ്ടുള്ള സർക്കുലർ അവഗണിച്ചാണ് INTUC പ്രവർത്തകർ നാളെ ട്രാൻസ്പോർട്ട് ഭവനിലും യൂണിറ്റ് കേന്ദ്രങ്ങളിലും പ്രതിഷേധിക്കുന്നത്. ബഹുജനങ്ങളെ അണിനിരത്തിയുള്ള ജനീകീയ സമരത്തിനാണ് ബിഎംഎസിന്റെ ആലോചന. മിന്നൽ പണിമുടക്കിലേക്കില്ലെങ്കിലും  സംയുക്തമായി അനിശ്ചിതകാല സമരത്തിന് നോട്ടീസ് നൽകുന്നതടക്കം  യൂണിയൻ നേതാക്കളുടെ പരിഗണനയിലുണ്ട്. അതേ സമയം ശന്പളം നൽകാൻ വായ്പ തരപ്പെടുത്താനുള്ള ശ്രമം മാനേജ്മെന്റ് തുടരുകയാണ്.