ട്രിപ്പിള് ലോക്ഡൗണ്: തിരുവനന്തപുരം നഗരത്തിലേയ്ക്കുള്ള എല്ലാ റോഡുകളും അടയ്ക്കും
Synopsis
കോര്പ്പറേഷന് മേഖലയില് ആശുപത്രികള്, മെഡിക്കല് ഷോപ്പുകള്, പലചരക്കു കടകള് എന്നിവ മാത്രമേ തുറന്നു പ്രവര്ത്തിക്കാന് അനുമതിയുള്ളൂ
തിരുവനന്തപുരം കോര്പ്പറേഷന് മേഖലയില് തിങ്കളാഴ്ച രാവിലെ ആറുമണി മുതല് ഒരാഴ്ചത്തേയ്ക്ക് ട്രിപ്പിള് ലോക്ഡൗണ് പ്രഖ്യാപിച്ച സാഹചര്യത്തില്, നഗരത്തിലേയ്ക്കുള്ള എല്ലാ റോഡുകളും പൂര്ണ്ണമായും അടയ്ക്കും. സംസ്ഥാന പൊലീസ് മേധാവി ലോക്നാഥ് ബെഹ്റ വാർത്താക്കുറിപ്പിലൂടെയാണ് ഇത് അറിയിച്ചത്. നഗരത്തിനുള്ളിലെ ഒരു റോഡിലും വാഹനഗതാഗതം അനുവദിക്കില്ല.
കോര്പ്പറേഷന് മേഖലയില് ആശുപത്രികള്, മെഡിക്കല് ഷോപ്പുകള്, പലചരക്കു കടകള് എന്നിവ മാത്രമേ തുറന്നു പ്രവര്ത്തിക്കാന് അനുമതിയുള്ളൂ. സെക്രട്ടറിയേറ്റ് ഉള്പ്പെടെയുള്ള ഒരു സര്ക്കാര് ഓഫീസുകളും സ്ഥാപനങ്ങളും തുറന്നു പ്രവര്ത്തിക്കില്ല.
നഗരത്തിലെ എല്ലാ പ്രധാനപ്പെട്ട സ്ഥലങ്ങളിലും റോഡുകളിലും എല്ലാവിധ സുരക്ഷാ മുന്കരുതലുകളും സ്വീകരിച്ച് പോലീസിനെ ഡ്യൂട്ടിക്ക് നിയോഗിക്കും. ഏതുവിധത്തിലുള്ള സഹായം ആവശ്യപ്പെടുന്നതിനും താഴെ പറയുന്ന ഫോണ് നമ്പറുകളില് ബന്ധപ്പെടേണ്ടതാണ്.
പ്രധാനപ്പെട്ട ഫോൺ നമ്പറുകൾ
- സ്റ്റേറ്റ് പോലീസ് കണ്ട്രോള് റൂം - 112
- തിരുവനന്തപുരം സിറ്റി പോലീസ് കണ്ട്രോള് റൂം - 0471 2335410, 2336410, 2337410
- സംസ്ഥാന പോലീസ് മേധാവിയുടെ കണ്ട്രോള് റൂം - 0471 2722500, 9497900999
- പോലീസ് ആസ്ഥാനത്തെ സ്റ്റേറ്റ് കോവിഡ് കണ്ട്രോള് റൂം - 9497900121, 9497900112.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam