കണ്ണൂര് വിമാനത്താവളത്തില് വീണ്ടും സ്വര്ണവേട്ട; രണ്ടര കിലോ സ്വർണ്ണം പിടികൂടി, പ്രതി അറസ്റ്റിൽ
Synopsis
കോഴിക്കോട് ചാത്തമംഗലം സ്വദേശി മുഹമ്മദ് ഫാസിലിനെയാണ് ഡി ആർ ഐ പിടികൂടി. ദോഹയിൽ നിന്നെത്തിയ ഇയാളുടെ ബാഗിലെ എമർജൻസി ലാംബിനുള്ളിൽ ഒളിപ്പിച്ച നിലയിലായിരുന്നു സ്വർണ്ണ ബിസ്കറ്റുകൾ.
മട്ടന്നൂര്: കണ്ണൂര് അന്താരാഷ്ട്ര വിമാനത്താവളത്തിൽ വീണ്ടും സ്വര്ണവേട്ട. ബിസ്കറ്റ് രൂപത്തിലാക്കി രണ്ടര കിലോ സ്വർണ്ണം കടത്താൻ ശ്രമിച്ചയാളെ കസ്റ്റംസ് ഉദ്യോഗസ്ഥർ പിടികൂടി. കോഴിക്കോട് ചാത്തമംഗലം സ്വദേശി മുഹമ്മദ് ഫാസിലിനെയാണ് ഡി ആർ ഐ പിടികൂടി. ദോഹയിൽ നിന്നെത്തിയ ഇയാളുടെ ബാഗിലെ എമർജൻസി ലാംബിനുള്ളിൽ ഒളിപ്പിച്ച നിലയിലായിരുന്നു സ്വർണ്ണ ബിസ്കറ്റുകൾ.
കണ്ണൂർ വിമാനത്താവളത്തിൽ ഇതിന് മുമ്പും സ്വർണ്ണക്കടത്ത് കേസിൽ പ്രതികളെ പൊലീസ് അറസ്റ്റ് ചെയ്തിട്ടുണ്ട്. സ്വർണ്ണം കടത്തിയ കേസിൽ ഈ മാസം ഒരാളെ പൊലീസ് പിടികൂടിയിരുന്നു. കുന്ദമംഗലം മുരിയേനല് വട്ടമ്പറമ്പില് ഷബീബിനെയാണ് പിടികൂടിയത്. ഇയാളിൽ നിന്നും 2.809 കിലോ സ്വര്ണ്ണമാണ് പിടികൂടിയത്.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam