കാലിക്കറ്റ് സർവകലാശാല സെനറ്റ് യോ​ഗം; വിസി യോ​ഗം നിയന്ത്രിച്ചത് ഏകാധിപത്യ രീതിയിൽ; പരാതിയുമായി യുഡിഎഫ് അം​ഗങ്ങൾ

വിദ്യാർത്ഥികളെ ബാധിക്കുന്ന നിയമങ്ങളിൽ ചർച്ച പോലും അനുവദിച്ചില്ലെന്നും പരാതി ഉയർന്നിട്ടുണ്ട്. 

കോഴിക്കോട്: കാലിക്കറ്റ് സർവകലാശാല സെനറ്റ് യോ​ഗത്തിൽ യുഡിഎഫ് സെനറ്റ് അം​ഗങ്ങൾ ​ഗവർണർക്ക് പരാതി നൽകി. കാലിക്കറ്റ്‌ വി സി ഇന്നത്തെ സെനറ്റ് യോഗം നിയന്ത്രിച്ചത് ഏകാധിപത്യ രീതിയിലെന്നാണ് യുഡിഎഫ് സെനറ്റ് അം​ഗങ്ങളുടെ പരാതി. ഇന്നത്തെ സെനറ്റ് യോഗത്തിലെ നടപടികൾ റദ്ദ് ചെയ്യണമെന്നും ഇവർ ആവശ്യപ്പെടുന്നു. സെനറ്റ് ഹൗസിന്റെ സുരക്ഷാ ചുമതല കൈമാറിയത് എസ്എഫ്ഐക്കാണ്. അതുപോലെ ഗവർണറുടെ നോമിനികളെ എസ് എഫ് ഐ പ്രവർത്തകർ സെനറ്റ് ഹാളിൽ കയറാൻ അനുവദിച്ചില്ലെന്നും പോലീസ് ഇതിൽ നടപടി സ്വീകരിച്ചില്ലെന്നും ഇവർ ആരോപിക്കുന്നു. വിദ്യാർത്ഥികളെ ബാധിക്കുന്ന നിയമങ്ങളിൽ ചർച്ച പോലും അനുവദിച്ചില്ലെന്നും പരാതി ഉയർന്നിട്ടുണ്ട്.