പോരാളിഷാജി സിപിഎം നേതാവിന്റെ സോഷ്യല്മീഡിയ സംവിധാനം, വലിയ പൊട്ടിത്തെറി സിപിഎമ്മിലുണ്ടാകും: വി ഡി സതീശന്
Synopsis
. നേരത്തെ ഞങ്ങളെയൊക്കെ ഇവര് എത്ര അപമാനിച്ചതാണ്. ഇപ്പോള് അവര് തമ്മില് അടിക്കുകയാണ്. അത് ഞങ്ങള് നോക്കി നില്ക്കുകയാണ്
എറണാകുളം:പോരാളി ഷാജിയെന്നത് പ്രധാനപ്പെട്ട ഒരു സിപിഎം നേതാവിന്റെ സോഷ്യല് മീഡിയ സംവിധാനമാണെന്ന് വിഡി സതീശന് പറഞ്ഞു. ചെങ്കതിരും പൊന്കതിരുമൊക്കെ മറ്റു രണ്ടു പേരുടേതാണ്. ഇപ്പോള് ഇവരൊക്കെ തമ്മില് പോരാടാന് തുടങ്ങി. നേരത്തെ ഞങ്ങളെയൊക്കെ ഇവര് എത്ര അപമാനിച്ചതാണ്. ഇപ്പോള് അവര് തമ്മില് അടിക്കുകയാണ്. അത് ഞങ്ങള് നോക്കി നില്ക്കുകയാണ്. അത് അവരുടെ ആഭ്യന്തരകാര്യമാണെന്നും അദ്ദേഹം പറഞ്ഞു
വലിയ പൊട്ടിത്തെറി സിപിഎമ്മിലുണ്ടാകും. സിപിഎം സെക്രട്ടറിയും മുഖ്യമന്ത്രിയും തോല്വിയെക്കുറിച്ച് പറഞ്ഞത് പരസ്പരവിരുദ്ധമാണ്. സര്ക്കാരിനെതിരായ ജനവികാരമാണ് തിരഞ്ഞെടുപ്പ് ഫലത്തില് പ്രതിഫലിച്ചതെന്നാണ് സിപിഎം ജില്ലാ കമ്മിറ്റികളുടെ റിപ്പോര്ട്ട്. മുഖ്യമന്ത്രിയുടെ സ്വന്തം ജില്ലയിലും പാര്ട്ടി ഗ്രാമങ്ങളിലും വോട്ടുകള് അടപടലം ഒഴുകിപ്പോയി. പയ്യന്നൂരിലെ 26 വോട്ട് മാത്രം ഉണ്ടായിരുന്ന ബൂത്തില് യു.ഡി.എഫ് ഇത്തവണ ലീഡ് ചെയ്തു. ബംഗാളിലും ത്രിപുരയിലും സംഭവിച്ചത് കേരളത്തിലെ സി.പി.എമ്മിന് സംഭവിക്കാന് തുടങ്ങിയിരിക്കുന്നു. ബംഗാളില് അധികാരത്തിന്റെ അവസാനകാലത്ത് കാട്ടിയ അഹങ്കാരവും ധിക്കാരവുമാണ് കഴിഞ്ഞ മൂന്ന് വര്ഷമായി തുടര്ഭരണം കിട്ടിയതിനു ശേഷം കേരളത്തിലും നടക്കുന്നത്. അമിതാധികാരത്തില് എന്തും ചെയ്യാമെന്ന അഹങ്കാരമാണ് സര്ക്കാരിന്. സാധാരണക്കാര് കഷ്ടപ്പെടുമ്പോള് സര്ക്കാര് ദന്തഗോപുരത്തിലാണെന്നും അദ്ദേഹം പറഞ്ഞു.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam