'തന്റേത് ബെനാമി സ്ഥാപനമല്ല'; ശ്രീമതിയുമായുള്ളത് മകളുടെ കല്ല്യാണത്തിന് വന്ന പരിചയം മാത്രം: വിജയന് നമ്പ്യാര്
Synopsis
മറ്റ് ഏജൻസികളെ സഹായിക്കാൻ വേണ്ടിയാകാം പി ടി തോമസിന്റെ ശ്രമമെന്ന് വിജയൻ നമ്പ്യാര് ഏഷ്യാനെറ്റ് ന്യൂസിനോട് പറഞ്ഞു.
തിരുവനന്തപുരം: കേരളത്തിൽ ഓക്സിജൻ വിതരണം ചെയ്യുന്ന സതേൺ എയർ പ്രൊഡക്ട്സ് പി കെ ശ്രീമതിയുടെ കുടുംബത്തിന്റെ ബെനാമി സ്ഥാപനമെന്ന ആരോപണം നിഷേധിച്ച് ഉടമ. മറ്റ് ഏജൻസികളെ സഹായിക്കാൻ വേണ്ടിയാകാം പി ടി തോമസിന്റെ ശ്രമമെന്ന് വിജയൻ നമ്പ്യാര് ഏഷ്യാനെറ്റ് ന്യൂസിനോട് പറഞ്ഞു.
തന്റെ മകളുടെ കല്ല്യാണത്തിന് വന്ന പരിചയം മാത്രമാണ് പി കെ ശ്രീമതിയുമായി ഉള്ളത്. ശ്രീമതിയുടെ മകൻ സുധീർ നമ്പ്യാരെ ഇതുവരെ കണ്ടിട്ടില്ല. കൃത്രിമ ക്ഷാമം ഉണ്ടാക്കി ഓക്സിജൻ വിലകൂട്ടി വിൽക്കുന്നു എന്നതും തെറ്റായ ആരോപണമാണ്. പിടി തോമസിനെതിരെ നിയമ നടപടിക്ക് ഇല്ലെന്നും വിജയൻ നമ്പ്യാര് പറഞ്ഞു.
വിജയന് നമ്പ്യാര് മകന്റെ ബെനാമിയെന്ന് തെളിയിക്കാന് പി ടി തോമസിനെ വെല്ലുവിളിക്കുന്നെന്നായിരുന്നു പി കെ ശ്രീമതിയുടെ പ്രതികരണം. വിജയൻ നമ്പ്യാരെ ജീവിതത്തിൽ ഇതുവരെ കണ്ടിട്ടില്ല. സതേൺ എയർ പ്രൊഡക്ട്സ് എന്ന ഓക്സിജൻ വിതരണ കമ്പിനിയെ കുറിച്ചും കേട്ടിട്ടില്ലെന്നും ശ്രീമതി പറഞ്ഞു.