വാളയാ‍ർ കേസ്: അന്വേഷിക്കുന്ന സിബിഐ സംഘം ഇന്ന് പാലക്കാട്ടെത്തും

സിബിഐ തിരുവനന്തപുരം യൂണിറ്റിലെ ഡിവൈഎസ്പി അനന്തകൃഷ്ണന്റെ നേതൃത്വത്തിലുളള സംഘമാണ് അന്വേഷണം നടത്തുന്നത്. 

വാളയാര്‍: വാളയാ‍ർ പെൺകുട്ടികളുടെ ദുരൂഹമരണം അന്വേഷിക്കുന്ന സിബിഐ സംഘം ഇന്ന് പാലക്കാട്ടെത്തും. കേസ്സേറ്റെടുത്ത ശേഷം ആദ്യമായാണ് സിബിഐ വാളയാറിലേക്കെത്തുന്നത്. പെൺകുട്ടികളുടെ മാതാപിതാക്കളിൽ നിന്ന് വിവരങ്ങൾ ശേഖരിച്ച ശേഷം സംഘം.

കുട്ടികൾ തൂങ്ങി മരിച്ച ഷെഡ്ഡിലുൾപ്പെടെ തെളിവെടുപ്പ് നടത്തും. സിബിഐ തിരുവനന്തപുരം യൂണിറ്റിലെ ഡിവൈഎസ്പി അനന്തകൃഷ്ണന്റെ നേതൃത്വത്തിലുളള സംഘമാണ് അന്വേഷണം നടത്തുന്നത്. 

ഹൈക്കോടതി ഉത്തരവിന്റെ അടിസ്ഥാനത്തിൽ കേസ് ഏറ്റെടുത്ത സിബിഐ സംഘം മാ‍ർച്ച് 31നാണ് പാലക്കാട് പോക്സോ കോടതിയിൽ എഫ് ഐ ആർ സമർപ്പിച്ചത്. നാലുപ്രതികൾക്കെതിരെ രണ്ട് എഫ്ഐആർ ആയിരുന്നു സമർപ്പിച്ചത്.