പട്ടാമ്പിയിൽ എക്സൈസ് പരിശോധന, 936 ലിറ്റർ വാഷും മൂന്നു ലിറ്റർ സ്പിരിറ്റും ഉപേക്ഷിച്ച നിലയിൽ കണ്ടെത്തി

വാറ്റാൻ ഉപയോഗിച്ച ഉപകരണങ്ങളും കണ്ടെത്തിയിട്ടുണ്ട്

പാലക്കാട്‌: പാലക്കാട് പട്ടാമ്പിയിൽ 936 ലിറ്റർ വാഷും മൂന്നു ലിറ്റർ സ്പിരിറ്റും ഉപേക്ഷിച്ച നിലയിൽ കണ്ടെത്തി. പട്ടാമ്പി എക്സൈസ് ന‌ടത്തിയ പരിശോധനയിൽ മുതുതല മുത്തശ്ശിർക്കാവ് റോഡിന്റെ സമീപത്തുനിന്നാണ് ഇവ കണ്ടെത്തിയത്. 5 പ്ലാസ്റ്റിക് ബാരലുകളിലും 2 കുടങ്ങളിലും നിറച്ച വാഷും പ്ലാസ്റ്റിക് കന്നാസുകളിൽ നിറച്ച 3 ലിറ്റർ സ്പിരിറ്റുമാണ് എക്സൈസ് കണ്ടെടുത്തത്. വാറ്റാൻ ഉപയോഗിച്ച ഉപകരണങ്ങളും കണ്ടെത്തിയിട്ടുണ്ട്. എക്സൈസിന് ലഭിച്ച രഹസ്യവിവരത്തെ തുടർന്നാണ് പരിശോധന നടത്തിയത്. സംഭവവുമായി ബന്ധപ്പെട്ട് അന്വേഷണം ആരംഭിച്ചിട്ടുണ്ട്.