രണ്ട് കുട്ടികളുടെ അമ്മ,സേവാ ഭാരതിയുടെ സജീവ പ്രവര്ത്തക; ഭര്തൃവീട്ടില് യുവതിയെ ആത്മഹത്യ ചെയ്ത നിലയില് കണ്ടെത്തി
Synopsis
ഉള്ളിയേരിയില് ഭര്തൃവീട്ടില് യുവതിയെ ആത്മഹത്യ ചെയ്ത നിലയില് കണ്ടെത്തി. ഉള്ളിയേരി വെള്ളിയഞ്ചേരി മീത്തല് സൗമ്യ(41) ആണ് മരിച്ചത്
കോഴിക്കോട്: ഉള്ളിയേരിയില് ഭര്തൃവീട്ടില് യുവതിയെ ആത്മഹത്യ ചെയ്ത നിലയില് കണ്ടെത്തി. ഉള്ളിയേരി വെള്ളിയഞ്ചേരി മീത്തല് സൗമ്യ(41) ആണ് മരിച്ചത്. രണ്ട് കുട്ടികളുടെ അമ്മയായ സൗമ്യയെ അര്ദ്ധരാത്രിയോടെയാണ് വീടിനുള്ളില് തൂങ്ങിയ നിലയില് കണ്ടെത്തിയത്. ഉടനെ മൊടക്കല്ലൂരിലെ സ്വാകാര്യ മെഡിക്കല് കോളേജ് ആശുപത്രിയില് പ്രവേശിപ്പിച്ചെങ്കിലും മരിച്ചിരുന്നു.
ഇന്ക്വസ്റ്റ് നടപടികള് പൂര്ത്തിയാക്കിയ ശേഷം കോഴിക്കോട് മെഡിക്കല് കോളേജില് പോസ്റ്റുമോര്ട്ടം നടത്തി, മൃതദേഹം വീട്ടുവളപ്പില് സംസ്കരിച്ചു. സംഭവത്തില് അത്തോളി പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്. സേവാ ഭാരതിയുടെ സജീവ പ്രവര്ത്തകയായിരുന്നു സൗമ്യ. താമരശ്ശേരി വിളയാറച്ചാലില് മോഹന്റെയും സീതയുടെയും മകളാണ്. രാജുവാണ് ഭര്ത്താവ്. മക്കള്: അനന്തു കൃഷ്ണ, അഭിനന്ദ്.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam